Vikan - 15.11.1979, Blaðsíða 14

Claudia Cardinale: Claudia ar reglu-
legt óskabam.
Romy Schneider langaði til að eignast
barn með seinni eiginmanni sínum.
Meðgöngutíminn varð henni erfiður þvi
hún átti stöðugt á hættu að missa fóstrið.
Fyrst fékk hún vírussjúkdóm, sem stofnaði
jafnvel hennar eigin lífí í hættu, síðan lenti
hún i bílslysi. Hún átti von á baminu í
september 1977 en í sama mán-
uði átti hún 39 ára afmæli. Barnið
fæddist þó sex vikum fyrir tímann og vó
aðeins 2300 gr. Þetta litla telpukríli var
sett í kassa og siðan var flogið með hana
i þyrlu frá Saint-Tropez á einkasjúkra-
hús í Nizza. Fyrstu vikurnar mátti
Romy aðeins virða dóttur sina fyrir sér I
gegnum glerrúðu, og hún mátti alls ekki
snerta hana.
Sophia Loren lá I átta mánuði í
rúminu á Intercontinentalhótelinu í
Genf áður en hún ól cldri son sinn,
Carlo. Hún mátti ekki einu sinni setjast
upp í rúminu til að borða og hún horfði
hvorki á sjónvarp né hlustaðí á útvarp.
Hún gekkst af fúsum vilja úndir þetta
stranga líferni þar sem hún hafði áður
misst fóstur nokkrum sinnum.
Seinni son sinn, Edoardo, eignaðist
húnsvo 39 ára gömul.
Claudia Cardinale stóð á fertugu er
hún eignaðist dótturina, Claudiu. Hún
býr með kvikmyndaleikstjóranum
Pasquale Squiteri og hafa þau hjú engar
áætlanir um það að ganga í það heilaga
þrátt fyrir afkvæmið.
— Okkur fannst samt ákaflega eðli-
legt að eignast barn saman og Claudia er
svo sannarlega óskabarn, segir hún.
— Ég hef engar áhyggjur af því að
vera orðin fertug. Mér finnst það í
rauninni dásamlegur aldur. Mér finnst
llf mitt nú svo miklu innihaldsríkara en
það var fyrir 10-15 árum.
— Meðgöngutíminn var fullkomlega
eðlilegur, ég fann varla fyrir því að ég
væri vanfær.
Claudia eignaðist soninn, Patrick,
fyrir 20 árum og honum tókst að gera
móður sína að ömmu skömmu áður en
hún fæddi seinna barn sitt.
Einkennilegasta tilfellið er þó
vafalaust Vera Bryson, 41 árs gömul
ensk kona. Hún lá á spítala og beið þess
að fjarlægt yrði æxli úr móðurlífinu
þegar læknirinn kom skyndilega til
hennar og tilkynnti henni að hún væri
fullkomlega heilbrigð . . . hún væri bara
komin sex mánuði á leið.
Hún og maður hennar, Roy (44 ára),
höfðu gefið upp alla von um að eignast
barn en 3. júlí fæddist þeim dóttir,
Sonia, fullkomlega heilbrigð og eðlileg.
Þau hjón höfðu búið í barnlausu hjóna-
bandi í 14 ár.
— Læknarnir sögðu mér að ég hefði
svona 10% möguleika á að verða ófrisk,
segir Vera. — Ég fór að fá kvalir I
magann en datt ekki í hug að ég væri
vanfær. Ég fann heldur engin einkenni
slíks.
Hún fór þó til læknis í mars og hann
gerði á henni þungunarprufu. Hún var
neikvæð.
Læknirinn dró þá ályktun að hún
hlyti að vera með æxli í móðurlífinu og
sendi hana á spítala þar sem kven-
sjúkdómalæknir rannsakaði hana.
Næsta dag var henni tjáð að hún væri
vanfær.
Hjúkrunarkona nokkur fann fyrir
hreyfingum í maga Veru og sagði lækn-
inum frá því. Önnur þungunarprufa var
gerð og reyndist hún jákvæð.
— Hún var með óreglulegar blæðing-
ar, en henni datt ekki í hug að hún væri
ófrísk, segir heimilislæknir Veru, dr.
Leon Winslow.
— Þegar ég rannsakaði hana var
heldur ekkert sem benti til þess.
Nú ráða hjónakornin sér varla fyrir
hamingju.
— Það er alveg ólýsanlega dásamlegt
að vera orðin móðir, segir Vera. — Og
eftir að læknar höfðu árum saman sagt
mér að það gæti aldrei orðið hljómar
þetta nánast eins og kraftaverk.
Þ.K.
Hildegard Knef með dóttur sína,
Christinu.
14 Vikan46. tbL