Vikan - 22.11.1979, Blaðsíða 22
Útdráttur:
Kimberly Wells, Richard Adams og
Heetor Salas voru stödd á svölum fyrir
ofan stjórnsal Ventana orkuversins viö
gerð fréttaþáttar um orkuverið, þegar
skyndilega byrjaði allt að titra. Þrátt
fyrir bann við slíku tekur Riehard
mynd af því sem gerist. Þótt þarna sé
feit frétt neitar yfirmaður þeirra að
sýna þessa mynd þar sem hún var tekin
i óleyfi.
Jaek Godell, verkstjóri i stjórnsal
Ventana, kemst að þeirri niðurstöðu
eftir miklar vangaveltur að eitthvað sé
aö i orkuverinu og að hann verði að
komast að því, hvað það er.
Kimberly ræðir við yfirmann sinn
um að fá að sjá um alvarlegri fréttir en
hún hefur séð um hingað til, en hann
segir að henni fari best að sýna útlit
sitt.
Richard stelur myndinni af atburðunum
í orkuverinu og sýnir hana dr. Klliott
Lowell kjarneðlisfræðingi, sem segir að
þarna hafi liklcga legiö við slysi.
Kimberly fer aö leita Richards, hún
finnur hann ckki en hittir þess í stað
Jack Godcll. Þau kvnnast lítillega og
hann fullvissar hana um að engin hætta
hafi verið á ferðum.
„Ég kann mun betur við fréttaþuli,”
sagði hann og skaut öðru meistaraskoti.
„Nú skal ég spyrja þig spurningar,”
sagði Kimberly. „Gerum ráð fyrir að al-
menningur eigi rétt á að fá að vita hlut-
ina, gerum ráð fyrir þvi — þú afsakar
hátíðleikann — að vel upplýstur al-
menningur sé hornsteinn lýðræðisins.
Getur þú þá ekki litið á fréttamanninn
sem almannaþjón að vinna þjóðinni
gagn?”
„Hann ætti að gera það,” sagði Jack.
„Hann ætti að vera það, en oftast
vinnur hann til þess eins að bæta fjöður í
hattinn sinn, fyrir eigin hagsmuni. Ég
held að ég hafi ekki hitt of marga frétta-
menn sem líta á sig sem þjóna almenn-
ings.”
„Allt i lagi,” sagði Kimberly, „þá skal
ég reyna annað. Setjum svo að ég sé
fréttamaður, sannur fréttaritari, algjör
moldvarpa, rannsóknarblaðamaður,
ha?”
„Einmitt.”
„Þá er spurningin: Var almenningur
nokkurn tíma í hættu á einhverju tíma-
bili slyssins í Ventana orkuverinu? Þú
afsakar að ég nota orðið slys aftur — en
ég hugsa að rannsóknarblaðamaður
myndi nota það orð — til þess að komast
nær sannleikanum!”
Godell þagði um stund og horfði á
hana. Andlit hennar var alvarlegt og
ákveðið. Það var engin stríðni í svip
hennar núna.
„Allt í lagi, ungfrú Wells, þá skal ég
segja þér svolítið,” sagði hann og lagði
kjuðann varlega frá sér. „Þessi orkuver
eru byggð með það fyrir augum að hægt
sé að bregðast við slysum. Slík aðferð er
kölluð ,djúptækar varúðarráðstafanir’.
Það er ekki bara að það sé varakerfi, ef
svo færi að eitthvað gengi úr skorðum,
heldur líka. varakerfi fyrir varakerfin.
Menn hafa eytt mánuðum og árum við
að reyna að ímynda sér alla hugsanlega
hluti sem gætu farið illa — og ég meina
raunverulega alla. Frá mannlegum mis-
tökum til jarðskjálfta, snjóbylja, termíta,
músa sem naga sundur leiðslur, ryðs,
sveppavaxtar, veðurbreytinga og alls
þessa blandað saman með öllum frá-
hvörfum og breytingum.
„Þegar hvert orkuver er byggt er hver
einasti veggur, hver einasti hluti bygg-
ingarinnar, hver einstök ró og skrúfa —
ég á ekki við salernin og kókakólavél-
arnar — en allt sem viðkemur heildar-
byggingunni er röntgenmyndað, litrófs-
kannað og hvað eina. Þetta verður að
vera viðurkennt og vottað af byggingar-
fyrirtækinu. Við erum að tala um billj-
ónir dala og þetta er bara ein ástæðan
fyrir því að þetta er svona dýrt. En þú
mátt trúa því að þetta er líka öruggt.
Skoðað, skoðað aftur og skoðað enn
einu sinni.”
„Fyrst við vorum að tala um þuli —”
sagði Kimberly.
„Hvað?”
„Nú, þú ert nú búinn að flytja áhrifa-
mikinn ræðustúf, en þú hefur líka komið
þér undan því að svara spurningunni.”
„Þú ýtir svo sannarlega á, eða hvað,”
sagði Jack bæði hrifinn og skemmtilega
angraður.
„Ég er að leika rannsóknarbiaða-
mann.”
„Allt í lagi, allt sem maður gerir felur
í sér einhverja hættu. Ef hann liggur í
rúminu þá getur hann fengið legusár. Ef
hann setur hatt á höfuðið getur hann
orðið sköllóttur. Ef hann ekur bíl getur
hann jafnvel drepið sjálfan sig. Og ef
hann etur kjúkling, hamingjan sanna,
hann á það á hættu að neyta of mikilla
hormóna eða festa bein í hálsinum á sér.
Hættan er það gjald sem við greiðum.”
XX Vikan 47. tbl.