Vikan - 22.05.1980, Blaðsíða 30
Draumar
Burðaðist með
merktan legstein
Kæri draumráðandi.
Mér fannst ég koma að
neðra hliðinu á Fossvogskirkju-
garði. Þar fyrir utan stendur
maður og bíll. Maðurinn er að
burðast með legstein sem
Skop
merktur er nafni konunnar
hans og öðru nafni sem ég náði
ekki að festa í minni. Svo
verður mér litið á bílinn og
verð hissa því hann er allur I
sárabindum. Og ég hugsaði um
leið: Sá hefur þurft að hafa
fyrir að koma með legsteininn
á gröfina.
Ein dreymin
Eitt af aðalatriðum við ráðningu
draums þessa er nafn konunnar,
sem skráð var á legsteininn. Það
getur þú því miður ekki um í
bréfinu og gerir það mun
erfiðara um vik við ráðninguna.
Nýr legsteinn í draumi er yfir-
leitt talinn tákn þverstæðna í til-
verunni og eru því öll smáatriði
draumsins mikilsverð við
ráðningu. Margt bendir til að
maðurinn í draumnum verði
fyrir miklu mótlæti og hætt við
að aðrir verði til þess að
uppskera það sem hann hefur
sjálfur sáð. En sem áður segir
eru nöfnin á legsteininum
þungamiðja draumsins og því
erfitt að slá einhverju föstu um
ráðninguna án þeirra.
I trjágarði vestur
á fjörðum
Draumráðandi Vikunnar.
Ég sendi þér draum sem mig
langar sérstaklega til að fá
ráðinn. Ég vona því að þú sjáir
þér fært að ráða hann sem
fyrst fyrir mig.
Mér fannst ég vera stödd I
trjágarði sem er við gamalt
timburhús vestur á fjörðum.
Ég var stödd þarna I garðinum
ásamt manninum mínum og
syni okkar. Mér fannst vera
búið að fella gamla fallega
reynitréð, en tréð sá ég hvergi.
Upp úr jörðinni stóð einungis
u.þ.b. metra stór partur af
stofninum, innsviðnaður,
svartur af fúa og Ijótur. Mér
var ætlað að vinna þarna
ákveðið verk og það var að
losa stofninn upp úr jörðinni.
Einhver, sem ég veit ekki hver
var, stjórnaði verkinu, sem mér
fannst ógeðfellt og var mér
mjög á móti skapi. Ég gróf
holu allt I kringum stofninn.
Hún varð 2ja metra djúp og
innan við metri í þvermál. Ég
tók stofninn og lyfti honum og
fann þá mér til undrunar að
það voru engar rætur heldur
var hann eins oggirðingarstaur
sem hefði verið rekinn þarna
niður. Ég lét stofninn falla
aftur ofan I holuna.
Þó að holan yrði 2ja metra
djúp fór ég aldrei ofan I hana,
ég gróf þetta án þess að mér
fyndist þetta tiltakanlega erfitt
verk. Allan tímann sem éggróf
stóð maðurinn minn fyrir aftan
mig en sonur minn við hægri
hlið mína og höfðust þeir
ekkert að. Meðan ég vann
verkið tók ég eftir að grasið var
grænt og allur gróður grænn
og gróskumikill, eins og um
sumar væri, en þegar verkinu
var lokið var grasið eins og
sina og kominn snjór á jörðina.
Það snjóaði þó ekki og verkið
tók aðeins skamma stund.
Ég fór síðan allt í einu að
bera snjó ofan í holuna og þá
fór sonur minn að aðstoða mig,
hann var þó alltaf hægra
megin við mig. Við bárum snjó
af miklum móði og fannst mér
það eiga að blekkja þann sem
stjórnaði verkinu, ég vildi láta
hann halda að ekki væri hægt
að losa tréð. Ég tróð snjónum
meðfram trjábolnum en
hvernig sem við bárum snjó að
fannst mér aldrei hægt að fylla
holuna meira en svo að 30 sm
borð væri á henni.
Það skiptir mig verulegu
máli að fá þennan draum
ráðinn og vona því að hann
hafni ekki í ruslakörfunni.
H.H.
Hvað þennan draum varðar eru
möguleikar á þremur mismun-
andi merkingum og erfitt fyrir
draumráðanda að vita hver er
hin rétta vegna vöntunar á
ýmsum upplýsingum.
Draumurinn gæti verið fyrir
dauða þess manns sem í upphafi
gróðursetti umrætt tré og nafn
sonar þíns virðist fremur undir-
strika þá ráðningu. Nafn hans
táknar yfirleitt dauða i draumi
og fer síðan merkingin að öðru
leyti eftir öðrum atvikum
draumsins.
Hins vegar getur einnig verið
um tákndraum að ræða, sem
einungis snertir þig og fjölskyldu
þína. Þar mun merkingin
tengjast erfiði og basli sem þó er
varla langvarandi. Fjárhagurinn
kemur þar nokkuð glögglega inn
í ráðninguna og einnig ákveðin
tákn um að ekki sé allt sem
sýnist á öðrum sviðum. Mikil-
vægast mun reynast að koma
fram af hreinskilni og öll
leyndarmál ykkar á milli geta
valdið stórtjóni á sambúðinni.
Takist þér að forðast áðurnefnd
sker leysist annað líkt og af
sjálfu sér.
Þriðji möguleikinn bendir til
andláts einhvers í fjölskyldu
þinni, en hann er ólíklegastur og
lítil ástæða til að telja hann
líklegri en hina tvo fyrri kosti.
En sem fyrr segir vantar ýmis-
legt sem skiptir máli í ráðningu,
svo sem nafn eiginmannsins og
tengsl ykkar við þann sem
góðursetti tréð í upphafi.
Það er ekki hægt að sjá allt fyrir!
Mundu svo að gefa honum strax eftir veðurfregnirnar og svo aftur þegar
Kastljós byrjar.
30 Vikan 21. tbl.