Vikan - 19.02.1981, Side 51

Draumar
... en ekki birta
drauminn, bara
svarið
Elsku draumráðandi!
Um daginn dreymdi mig
nokkuð skrítinn draum.
Reyndar er ég ekki vön að
taka mark á draumum, en
daginn eftir þennan draum leið
mér eitthvað svo illa. Því
langar mig að biðja þig að
senda mér svar sem allra fyrst,
helst strax. Ef þú getur ekki
sent svarið birtu þá bara svarið
en ekki drauminn sjálfan eins
fljótt og þú getur, því ég hef
það á tilfinningunni að þessi
draumur boði eitthvað mikil-
vægt.
Draumurinn var á þessa leið:
Ég stóð uppi á lofti heima
hjá mér ásamt tveimur
kunningjakonum mínum og
vorum við alveg við stigann.
Þar vorum við að tala saman
og allt í einu sagði önnur
þeirra: „Hvað ertu að segja,
eruð þið . . . virkilega hætt
saman? Við á . . . vorum búin
að pœla svo mikið í ykkur og
höfðum komist að því hvað þið
passið ofsalega vel saman. Við
skulum sko koma ykkur saman
aftur. ”
Þarna lauk draumnum og vil
ég þakka fyrirfram hjálpina
sem ég met mjög mikils.
Virðingarfyllst,
J.
Því miður, við höfum þá reglu
hér á Vikunni að birta ævinlega
bæði drauminn og svarið eða
sleppa því alveg að öðrum kosti.
Þar sem fátt í þessum draumi
getur orðið til þess að upp
komist hver bréfritari er tókum
við okkur það bessaleyfi að birta
hann í þeirri von að þér finnist
það skárri kosturinn. Að sjálf-
sögðu sleppum við bæði nöfnum
og öðrum persónulegum
upplýsingum um bréfritara.
Draumur þessi boðar í raun
ekki neitt sérstakt en er að þvi
leyti mikilvægur að þarna er um
að ræða tengingu atburða sem í
vökunni valda þér miklu hugar-
angri. Samband þitt við þennan
mann hefur skilið meira eftir en
þú sjálf áttir von á og því reynir
þú óafvitandi að leysa málin í
draumi á einn eða annan máta.
Ef til vill langar þig til þess að
koma sambandinu i samt horf á
nýjan leik en skortir til þess hug-
rekki í vökunni. Því er þessi
draumur ekki marktækur sem
slíkur en þú ættir hins vegar að
endurskoða afstöðu þína til alls
þessa í vökunni. Ef þig langar til
þess að endurnýja sambandið
við þennan kunningja þinn
skaltu herða upp hugann því þar
hefurðu sennilega engu að tapa
og allt að vinna, ef viljinn er
fyrir hendi af þinni hálfu.
„Planið” og salt-
húsið
Kæri draumráðandi.
Mig dreymdi furðulegan
draum um daginn og hann
hefur valdið mér áhyggjum og
óvissu. Þess vegna vil ég biðja
þig, kœri draumráðandi, að
birta þennan draum fyrir mig
og um leið að létta þungu fargi
af mér.
Hann er svona: Ég var fyrir
austan og fer til Reykjavíkur
með stelpu sem við skulum
kalla A. Hún dregur mig niður
á plan á fyllirí (ég mótmœlti
ekki), við lendum I löggunni og
eitthvað kemur fyrir höndina á
mér. Við förum síðan austur
og þegar þangað kemur vill
enginn tala við mig (eins og
allir vtssu hvað skeð hefði)
nema frændi minn sem ég kalla
S. Ég fór heim með S. og sagði
honum alla söguna. Hann
sagðist skilja mig og segja
krökkunum frá því rétta ef þeir
spyrðu sig. Ég fór fram (út úr
herbergi S.) og sá að mamma S,
Z, var að viðra pottablóm úti á
svölum, en hún vildi ekki koma
nálægt mér. Svo fer ég út og
var á hjóli. Ég hjóla götuna
sem kærasti minn býr við,
hann getum við kallað X. X og
pabbi hans, Q, koma út I
glugga. Q fer úr glugganum en
X kemur út og segir við mig að
hann skilji ekkert í mér. Hann
spyr hvort ég hafi verið með
einhverjum strák fyrir sunnan.
Þá segi ég við hann að þella
séu eintómar lygar sem A hafi
sagt. En X vildi ekki trúa mér
og sagðist vera byrjaður að
vera með annarri stelpu sem
hét Maja (ég veit ekki um
neina stelpu með því nafni). Ég
fór að gráta og reyndi að hörfa
undan og hjóla í burtu en hann
sá tárin. Næsta dag fór ég inn í
salthús (en þar vann ég) og
kíkti inn um stóran glugga sem
þar er og þar var X að hlaða
pokum upp á færiband. Hann
kom út og sló mig og ég fór að
gráta. Þá kom Q, tók X og
talaði við hann. Síðan kom Q
aftur til mín og talaði við mig.
Hann keyrði mig heim og ég
sagði honum alla söguna að
sunnan. Hann sagðist œtla að
tala við X og láta mig fá aftur
vinnu í salthúsinu. Næsta dag
kom ég til vinnu. Eg talaði
ekki við neinn nema Q, en
bara takmarkað. Það var eins
og allir hefðu allt í einu samúð
með mér en ég þóttist ekki
taka eftir því og vann mjög
mikið. Draumurinn var ekki
lengri en þegar ég vaknaði var
ég öll útgrátin.
Viltu birta drauminn, elsku
draumráðandi minn.
Ein áhyggjufull
Fyrst og fremst er flest í þessum
draumi viðvörun um að lenda
ekki í vandræðum. Þú munt
verða fyrir einhverri upphefð að
eigin áliti en hætt er við því að
hún verði þér meir til skaða en
álitsauka. Þú munt geta sigrast á
erfiðleikum sem þú átt við að
etja en verður virkilega að
vanda þig til þess og ekki gengur
það með öllu áfallalaust. X er
líklega maður sem gerir mikið ef
hagnaðarvon er og varasamt að
treysta honum um of. Þú þarft
að vara þig á rógtungum og
baknagi og sérstaklega að
ættingjar þínir leggi ekki trúnað
á slíkar sögur (og að ekkert sé
hæft í þeim). Eitthvað mun
gerast í lífi þínu, sem eindregið
tengist sjúkrahúsi, og breyta
lífinu nokkuð. Niðurstaða
draumsins er samt sú að þú
munt sigrast á miklum erfiðleik-
um og gráturinn mikli í draumn-
um er fyrir mjög góðu, eins og
grátur er alltaf í draumum.
Hann féllst á allar okkar kröfur. Hvað
gerum við þá?
Skop
8. tbl. Vikan sx