Vikan - 28.10.1982, Blaðsíða 17

URVALSLIÐ LEIKARA
Hér til vinstri sjást þau Schulz og
Gertrude, en þau lenda i ævin-
týrum i næsta þætti. Að ofan sóst
fljóðið Ijúfa, Bertha, sem Billie
Whitelaw leikur. Hún hefur
fengið fjölda viðurkenninga fyrir
leik sinn, og einnig lan Richard-
son sem leikur Major Neuheim og
sést hér til hægri munda skot-
vopn eitt ógurlegt.
Rithöfundurinn Jack Pulman
er margfaldur verölaunahafi.
Hann skrifaði sjónvarpshandrit aö
The Golden Bowl, Portrait Of A
Lady, War And Peace I (Stríð og
friöur), Claudius (Ég Kládíus) Og
Crime And Punishment Og kannast
íslenskir sjónvarpsáhorfendur við
marga þessara sjónvarpsþátta.
Því miður entist honum ekki líf til
að verða vitni að þeim undirtekt-
um sem „Obreyttur Schulz” fékk,
og þá ekki síst tvær aðalpersón-
urnar, þeir Schulz og Neuheim.
Þeir hafa veriö kallaðir hinir
þýsku Laurel og Hardy, þó það sé
ef til vill ekki réttnefni, því þeir
hefðu getað klæðst hvaða ein-
kennisbúningi sem er.
Jack Pulman valdi sér ákveðinn
atburð úr síðari heimsstyrjöld til
að skrifa þennan þátt í kringum.
Þar er átt við aðgerö þá er kallaö-
ist „leyniaðgerðin Bernhard” og
var það áætlun Þjóðverja um að
eyöileggja efnahagskerfi Breta
með því að dreifa fölskum pen-
ingaseðlum um England. Schulz
fær þann starfa að eyða milljónum
punda í Englandi og eins og gefur
að skilja gengur það nú svona upp
og ofan. Eftir mislukkaöa Eng-
landsdvöl er hann sendur til Júgó-
slavíu til að kaupa vopn. Þar heill-
ast hann af fegurð Gertrude Stein-
er, einkaritara Neuheim, en sú
hrifning á eftir að hafa afdrifarík-
ar afleiðingar.
Schulz heldur þaðan til Austur-
ríkis, því peningana á nú aö nota
til að fjármagna andspyrnuhreyf-
inguna þar. En hrakfallabálkur-
inn Schulz yfirgefur ekki Austur-
ríki án þess að hafa klúðrað sendi-
feröinni og veldur því að árlega
leggja margir ferðamenn það á
sig að skoða menjar umsvifa-
mestu og skammarlegustu fölsun-
araðgerðar styrjaldarinnar.
En Schulz snýr niðurlútur aftur
til Englands til aö leita að pening-
unum sem hann gróf í jörðu og
stuttu seinna mætir hann persónu
sem á eftir að hafa áhrif á allt
hans líf.
Þaö er breski leikarinn Michael
Elphick sem leikur Schulz og
hefur hann fengið frábæra dóma
fyrir hlutverkið. Það er svo sem
ekkert nýtt að hann fái viðurkenn-
ingu fyrir leik sinn, hann lék
meðal annars í „The Elephant
Man” (Fílamaðurinn) „Qua-
drophenia”, „The Great Train
Robbery” (Lestarránið mikla) og
hefur einnig leikiö í Hamlet og
hlotið góða dóma fyrir.
Aðrir leikarar eru einnig vel
þekktir, Ian Richardson, sem
leikur Major Neuheim, vakti
athygli í „Man Of La Mancha” og
lék þar á móti Sophiu Loren og
Peter O’Toole. Ennfremur lék
hann á Broadway í „My Fair
Lady” og í sjónvarpsþáttunum
„Tinker, Tailor, Soldier, Spy”,
sem sýndir voru í íslenska sjón-
varpinu fyrir nokkrum árum.
Billie Whitelaw leikur Berthu
Freyer, en Schulz er yfir sig ást-
fanginn af henni í flestum þáttum.
Hún er þekkt leikkona og hefur
hlotið ófáar viðurkenningar fyrir
leik í kvikmyndum, í sjónvarps-
þáttum og á leiksviði. Meðal
annars fyrir leik sinn í „The
Omen”, en þar lék hún á móti
Gregory Peck og David , _
Warner. Ij
Umsjón: Hrafnhildur
43. tbl. Vikan X7