Vikan - 01.03.1984, Blaðsíða 56
Ofan gefur snjó á snjó....
. ... og hvað gerir gatnamálastjórinn í Reykjavík, Ingi Ú.
Magnússon, við því? Fer hann bara í heita pottinn úti í
sundlaug eða tekur hann málið föstum tökum? Hvort
tveqqja að sjálfsöqðu. . . . en, hverniq vœri að lesa bara um
þaðínœstu VIKU?
Froskköfun: Veitum selnum enga samkeppni
— segir Páll Guðbjartsson sportkafari meðal annars í
viðtali í nœstu VIKUþar sem fjallað er um sportköfun: í
hverju hún sé fólgin, hvað skemmtilegast sé við hana og
fleira í þeim dúr. Þar kemur það fram sem margan hefur
grunað að óreyndu að heimurinn neðansjávar er allt annar
heimur og allt önnur vídd en við landkrabbar þekkjum eða
eigum kost á að kynnast — nema við fáum okkur gleraugu
og kút og. . . . En meira um það í nœstu VIKU.
Falleg, símynstruð peysa
Mynstraðar peysur eru alltaf sívinsœlar. í nœstu VIKU
birtum við uppskrift að fallegri peysu með 12 mynstur-
bekkjum! Þar œttu þeir, sem hafa gaman af því að prjóna
mynstur, að finna eitthvað við sitt hœfi.
Ævintýri á bátsferð
Flestir þeirra sem ferðast um Norfolk Broads eru inn-
fœddir. Þetta vatnasvœði nálœgt austurströnd Englands er
afar friðsœlt, fagurt og fjölskrúðugt, menn eru þarna í
algjöru nœði frá skarkala heimsins.
Myndin, sem sýnir Hjálmar Torfason við stýrið á bát á
Norfolk Broads, var tekin í októberbyrjun á liðnu ári. í
nœstu VIKU ferðumst við með Hjálmari og fleiri á bát sem er
nokkurs konar fljótandi sumarbústaður.
Þykkir, hlýir, léttir skíðagallar
Allir verða að búa sig vel, hvort sem þeir eru að fara á
skíði eða stunda aðra útiveru. í nœstu VIKU birtum við
myndir af skjólgóðum fatnaði sem hentar við öll tœkifœri.
56 Vikan 9. tbl.