Vikan - 20.08.1987, Síða 13
Sá Island í dvaumi
Þau Sigríður Bjarnadóttir og Eðvald Mixon
Hinriksson kynntust árið 1948 í Vestmanna-
eyjum. Þangað hafði Mixon, eins og hann er
kallaður, komið sem flóttamaður frá Eist-
landi. Hann hafði verið á leið frá Svíþjóð til
Bandaríkjanna en ákveðið að koma við á Is-
landi til að reyna að afla sér einhverra peninga
til Bandaríkjafararinnar.
En örlögin grípa stundum í taumana. Skip-
ið, sem hann ferðaðist með, strandaði rétt hjá
Keflavík í aftakaveðri en öllum var bjargað.
Nú voru góð ráð dýr en Mixon, sem er mennt-
aður íþróttakennari, hitti fmnskan íþrótta-
kennara, sem hér var staddur, og sá og fleiri
menn buðu honum þjálfarastöðu á Akureyri
sem hann þáði. „Og það var mín heppni,“
segir Sigríður, „að Mixon skuli hafa vent sínu
kvæði í kross og ákveðið að ílengjast hér.“
En hvernig finnst Mixon sú tilhugsun?
„Mér finnst það góð tilhugsun. Mér leist
vel á landið, fékk strax vinnu, hitti tilvonandi
konuna mína og það sem meira var: hér var
friður. Heima á Eistlandi var vandræða-
ástand, stríð og erfiðleikar, og það var
yndislegt að koma hingað.“
Mixon starfaði sem þjálfari bæði á Akur-
eyri og í Reykjavík og fór síðan til Vestmanna-
eyja þar sem Sigríður bjó og stundaði
handbolta af krafti. Mixon gerðist þjálfari
stúlknanna og það varð ást við fyrstu sýn.
Hjá þeim hjónum voru ekki vandræði að
velja land til að setjast að í þar sem Eistland
var, og er enn, lokað land og Mixon flótta-
maður. Hann sótti um íslenskan ríkisborgara-
rétt um leið og löglegt var og segist ekki sjá
eftir því. Það hafi ekki verið svo erfitt þar sem
hann átti ekki afturkvæmt til heimalands síns.
Eina skemmtilega sögu höfðu þau hjón að
segja sem er þannig að þegar Mixon var í
Sviþjóð áður en hann kom hingað dreymdi
hann undarlegan draum. Hann dreymdi að
það væri svartamyrkur allt í kringum sig en
hann sá einn ljósan punkt, einn lítinn, ljósan
punkt, og sá sjálfan sig ganga inn í þennan
punkt með knött undir hendinni! Þetta hafa
þau ráðið þannig að punkturinn hafi verið
Island.
Þegar Mixon kom hingað til íslands talaði
hann eistnesku, sænsku, finnsku og þýsku.
Hvernig finnst honum íslenskan? Var erfitt
að læra hana?
„Nei, ekki svo, en það var annað sem var
svolítið erfitt. Það vildu allir bara tala við
mig sænsku eða skandinavísku þannig að ég
lærði í rauninni aldrei almennilega íslensku.
Það varð úr þessu einhver mállýska sem er
sambland af finnsku, sænsku og íslensku."
Mixon og Sigríður eiga þrjú börn, Jóhann-
es, Atla og Önnu, sem öll hafa verið mikið í
iþróttum og flestir kannast við þá Jóhannes
og Atla sem báðir hafa verið í atvinnu-
mennsku í fótbolta og Atli reyndar enn.
Þar sem eistneska, sem er dálítið svipuð
finnsku, er mjög flókið og erfitt tungumál og
Mixon sá eini sem talaði hana var börnunum
ekki kennt annað en íslenska og sér í lagi þar
sem Mixon hafði í raun blandað saman eist-
neskunni, finnsku og íslensku og út úr því
komið þessi blanda sem hann sagði frá.
í dag reka þau Mixon og Sigríður nudd-
stofu í Hátúni sem margir kannast eflaust við
því að Mixon hefur sérhæft sig í sjúkranuddi
og er sennilega, að öðrum ólöstuðum, einn
besti sjúkranuddari á landinu. Og þeir eru
fáir, íþróttamennirnir, sem Mixon hefur ekki
komist með hendurnar á.
En Mixon og Sigríður segjast ánægð og
ekkert hafa að sækja til Eistlands. Þó segjast
þau gjarnan vilja fara og skoða. „En þó svo
ég færi þá færi ég þangað sem gestur,“ segir
Mixon að lokum.
Sigríður Bjarnadóttir og Eðvald Mixon Hinriksson. Þau hittust í Vestmannaeyjum og það varð
ást við fyrsiu sýn.
34. TBL VI KAN 13