Vikan - 20.08.1987, Side 47

Vikan — popp
Umsjón:
Helga Margrét Reykdal
IIPIHS
Leiðirnar til frægðar eru oft erfiðar og til eru ótrúleg-
ustu leiðir til þess að ná frægð og frama. Fyrir nokkrum
árum var Samantha Fox talsvert þekkt í Bretlandi sem
módel og birtust nokkuð oft myndir af henni í einu
dagblaði þar í landi, heldur fáklæddri. í dag er hún orð-
in jafnþekkt fyrir söng og fyrir módelstörf.
Samantha Fox ákvað strax þegar hún var lítil að fræg
skyldi hún verða og alltaf var stefnan tekin á skemmt-
anabransann. Hún var í skóla og frekar peningalítil
þegar henni datt í hug að reyna að fá vinnu sem mód-
el. Hún fór til Ijósmyndara til að láta taka af sér myndir
til að senda í Ijósmyndasamkeppni. Ljósmyndari þessi
stakk upp á að hún reyndi frekar fyrir sér í glansmyndun-
um (þ.e. þar sem hún væri nokkuð fáklæddari).
Samantha ræddi málin við foreldra sína og eftir að
hafa fengið samþykki þeirra sló hún til.
Þeir eru ófáir sem hafa undrast að foreldrar hennar
skuli alla tíð hafa veitt henni fullan stuðning þar sem
margir foreldrar mundu hafa ýmislegt við þessa atvinnu
að athuga. Faðir hennar er meira að segja umboðsmað-
ur hennar.
Samantha Fox varð þekkt sem „topplausa stúlkan á
blaðsíðu 3 í The Sun". Eftir að hafa náð nokkrum frama
sem módel ákvað hún að halda inn á hina erfiðu braut
poppsins. Fyrsta lag hennar, Touch Me (I Want Your
Body), náði töluverðum vinsældum á síðasta ári og af
samnefndri breiðskífu náðu lögin Do Ya Do Ya (Wanna
Please Me) og Hold on Tight nokkrum vinsældum. Var
það álit flestra að eftir þetta væri söngferli Samönthu
lokið, þetta hefði bara verið einhver heppni. En hún var
ekkert á þeim buxunum og fór í nokkuð vel heppnað
söngferðalag. Á þessu ári komu út lögin Nothing's
Gonna Stop Me now sem komst í áttunda sæti breska
vinsældalistans og varð álíka vinsælt víða um Evrópu.
Þegar þessar línur eru skrifaðar er lagið I Surrender
nýkomið út og má búast við að það geri það nokkuð
gott eins og hin fyrri. Bæði þessi lög eru af annarri
breiðskífu stúlkunnar og heitir skífan einfaldlega Sam-
antha Fox.
Bæði móðir hennar og faðir hafa nóg að gera við „fyr-
irtækið Samönthu Fox" en hún er ekki bara módel og
söngkona heldur framleiðir hún líka föt sem seljast
nokkuð vel. Er línan í þeim nokkuð sexí.
Samantha sagði fyrir nokkru að strákar væru óþarfi í
lífi sínu en hún hlýtur að vera búin að skipta um skoð-
un þar sem hún er ástfangin upp fyrir haus af Ástrala
að nafni Peter Foster. Samantha segist lítið hafa breyst.
Hún býr enn heima hjá foreldrum sínum og segist vera
í aðalatriðum eins og stelpan í næsta húsi. Dæmi nú
bara hver fyrir sig.
34. TBL VIKAN 47