Vikan - 14.01.1988, Blaðsíða 44
Nýársfagnaður í Naustinu:
Húllumhæ
hjá hesta-
mönnum
Hestamenn, nánar tiltekið Hjóna-
klúbbur Fáks, fagnaði nýju ári með
pomp og prakt í veitingahúsinu Naust-
inu að kvöldi 1. janúar s.l. Fjölmennt
var á fagnaðinn, hvert sæti setið og eig-
endur staðarins lögðu sitt af mörkum
til að skapa hina einu sönnu hesta-
mannastemmningu því upp um alla
veggi héngu hnakkar og beisli og ann-
að sem bráðnauðsynlegt þykir á sam-
komu sem þessari.
Gunnar Maggi Árnason, sem var einn af
forsvarsmönnum þessa fagnaðar, sagði í
samtali við Vikuna að þessi fagnaður hefði
tekist vonum framar og að allir hefðu verið
mjög ánægðir með kvöldið.
„Við munum örugglega halda svona hátíð
aftur, því þessi heppnaðist svo vel,“ sagði
Gunnar.
í máli hans kom fram að tilurðin að þess-
um fagnaði hafl einkum verið sú að menn
hefðu verið orðnir leiðir á því að skemmt-
anir Fáks hefðu oft á tíðum leiðst út í skrall,
enda félagið orðið stórt og blandað.
Matseðillinn þetta kvöld samanstóð af
villigæsapaté og humarsúpu í forrétt, sorbet
í millirétt, hreindýrasteik í aðalrétt og eftir-
rétturinn bar heitið 1988.
Gunnar Maggi sagði að skemmtiatriði
kvöldsins hefðu verið heimatilbúin, mikið
um leiki og mikið sungið að sjálfsögðu en
síðan hefðu hinir landskunnu hestamenn
Diddi Bárðarson og Guðmundur Gíslason
verið með frumsamið prógramm sem m.a.
samanstóð af smábrag sem saminn var sér-
staklega fyrir fagnaðinn og stuttan leikþátt
þar sem Diddi lék nútímahestamann í fúll-
komnum Evrópukeppnisgalla en Guðmund-
ur aftur á móti gamla tímann í sauðskinns-
skónum með öllu tilheyrandi. FRI.
Sveinn Hjörleifsson, einn eigenda Naustsins, fylgist hér með
Guðrúnu „Snúllu" Ólafsdóttur veitingastjóra gantast við
þjóninn Helga.
Glatt á hjalla hjá Hjónaklúbbnum. Lengst til vinstri sést Viðar
Guðmundsson, á móti honum situr Sigurbjörg kona hans,
við hlið hennar eru svo Tómas Brandsson, Fríða Steinars-
dóttir og Gunnar Maggi Árnason en Karen Jónsdóttir snýr
baki í vélina.
„Þú segir ekki!“
Hestamenn
höfðu um nóg
að spjalla fram
undir morgun.
44 VIKAN
LJÓSM.: PÁLL KJARTANSSON.