Vikan - 19.08.1943, Blaðsíða 4
4
VIKAN, nr. 33, 1943
Léttúðug kona
Hvað er nú þetta ? Þú ert ekki
byrjaður á að hafa fataskipti
" ennþá, og vagninn kemur að
sækja okkur á hverri stundu.“
Hún stóð fyrir framan mann sinn og
var mjög óþolinmóð, „leiðist þeim, sem
búinn bíður,“ stendur þar; hún var alveg
tilbúin; komin í samkvæmiskjólinn, þau
voru að fara á dansleik.
„Hvað gengur eiginlega að þér, maður?“
hélt hún áfram, þegar hún sá, hve alvöru-
gefinn hann var og sorgmæddur á svipinn.
„Það er eins og eitthvað alvarlegt hafi
komið fyrir þig.“
„Já, ég er líka hryggur núna,“ svaraði
hann. „Ég fékk bréf fyrir stuttu síðan,
sem færði mér þau sorglegu tíðindi, að
Marie frænka mín væri hættulega veik.
Þú veizt, hve hún hefir alltaf verið mér
góð, allt frá því að ég var lítill drengur.
Ég er viss um, að hún hefði ekki getað
verið mér betri, þótt hún hefði verið móðir
mín, svo þú hlýtur að skilja það, að mig
taki sárt til hennar, og af þessum ástæð-
um get ég ekki farið með þér á dansleik-
inn í kvöld. Góða Sigrid, þú sérð það sjálf,
að ég á ómögulegt með að fara, þegar
svona stendur á. Ætlar þú ekki að vera
heima líka?“ sagði hann hikandi.
„Ó, Edvard, hvernig getur þú farið
fram á þetta við mig? Þú veizt, hvað ég
er búin að hlakka mikið til þess að fara
á þennan dansleik.“ Það lá við að hún
færi að gráta. „Og þér sem þykir svo vænt
um mig að þú segist alla hluti fyrir mig
vilja gera, hvernig geturðu svo ætlast til,
að ég hafi af mér skemmtilegan dansleik,
út af veikindum einhverrar gamallar konu,
sem ég þekki ekki einu sinni sjálf. Og nú
þegar ég er komin í nýjan samkvæmis-
kjól, sem ég hefi ekki farið í fyrr, hvernig
á ég þá að hætta við að fara? Sjáðu, er
kjóllinn ekki fallegur?“ Hún snéri sér í
hring fyrir framan mann sinn til að sýna
honum hann.
„Góða Sigrid,“ sagði hann blíðlega,
hvernig dettur þér í hug að vera svona
hégómleg og barnaleg í þér? Reyndu nú
einu sinni að hugsa alvarlega, og taktu
svolítið tillit til annara en sjálfrar þín,
reyndu að setja þig í mín spor, og reyndu
að taka hlutdeild í þessu með mér. Þú
mátt ekki alltaf hugsa fyrst um sjálfa
þig. Ég verð að líta svo á, að þér þyki
lítið vænt um mig, ef þú getur ekki setið
af þér einn dansleik mín vegna. En hvað
um það, ég fer ekki á dansleikinn í kvöld,
hvað sem þú gerir, það er útrætt mál. Ég
er í alltof viðkvæmu skapi núna til þess
að skemmta mér.“
„Svo þú getur fengið það af þér, Edvard,
að gera mér þessi leiðindi? Þú veizt það
þó sjálfur, að ég skemmti mér ekki nærri
eins vel, þegar þú ert ekki með mér,“ hún
lagði hendurnar um háls honum.
„Ef þú segir það í fullri alvöru, að þú
skemmtir þér ekki án mín, þá veit ég, að
þú verður heima hjá mér í kvöld,“ sagði
hann í biðjandi róm.
„Elsku Sigrid mín,“ hélt hann áfram,
„þrátt fyrir það þó Marie frænka hefði
ekki verið veik, hefði ég heldur kosið að
vera heima. Ég hefi lengi ætlað að tala um
þetta við þig; mér finnst að • við séum
alltof lítið heima, ég er að verða uppgefin
á þessu eilífa samkvæmislífi. Þú veizt það
Smásaga eftir Idun
sjálf að ég vinn lýjandi störf, og þarf að
hafa meiri hvíld og næði, og mér er alltaf
að verða það ljósara og ljósara, að þetta
óreglusama líferni okkar undanfarið er að
ganga fram af mér, það getur ekki gengið
að halda því áfram lengur, ég er að verða
sljór af því, bæði andlega og líkamlega.
Þú mátt ekki halda fyrir því, að ég vilji
ekki vera þér góður eiginmaður. En á hinn
bóginn getum við ekki gengið fram hjá
þeirri staðreynd, og verðum að gefa því
gaum, að heimili okkar og framtíð Viggó
litla er í veði ef þú ekki hugsar meira um
heimilið, heldur en þú hefir gert. Heldurðu
ekki líka, að þú komir til með að una
heima hjá mér á kvöldin, þegar ég sit við
vinnu mína, í staðinn fyrir að fara út?
Mestu sælustundir mínar eru á kvöldin,
þegar við erum ein heima, og enginn er
til að trufla heimilisfriðinn.“
„Ég sé það mæta vel, að þú ert fram úr
hófi eigingjarn maður. Þú getur ekki sett
| VITIÐ ÞÆB ÞAÐ?
1 1. Eftir hvern er þetta erindi ?
É GengiS er valt, þar fé er falt,
| fagna skalt í hljóði.
Hitt kom alltaf hundraðfalt,
er hjartað galt úr sjóði.
| 2. Hvaða ár tók Gasstöðin í Reykjavík |
i til starfa? §
: 3. Hverrar þjóðar er tónskáldið Jan
Sibelíus og hvenær er hann fæddur? |
í 4. Hvað er langt frá Reykjavík fyrir |
Hvalfjörð að Fornahvammi ?
1 5. Hvaða ár var Hljómlistarskólinn
| stofnaður ?
: 6. Hvaða enskur sagnahöfundur ritaði |
skáldsöguna um Forsyte-ættina ?
i 7. Hvaða ár voru England og Skotland :
sameinuð undir sama konung?
| 8. Eru fleiri íbúar í Kanada en New Jork- |
ríki ?
: 9. Hverrar þjóðar var Houdon, og fyrir |
hvað var hann þektur?
i 10. Hvenær var Napóleon krýndur keisari ? |
Sjá svör á bls. 14.
TmTitiimmwwiiiiniii—iiiiiiiiiiiiiiiiiiiiinnimiwni
þig inn í tilfinningar annara,“ sagði hún
og var reið. Þú ættir að geta skilið það,
að mann langar til að skemmta sér á
meðan maður er í blóma lífsins. Það er
nægur tími til að breyta eftir kenningu
þinni, þegar ég er orðin gomul. Hvað
Viggó litla og heimilinu viðkemur, þá er
óþarft að vera með hugaróra út af því.
Anna gamla hugsar svo vel um heimilið
og drenginn, að það er ekki hægt að kjósa
sér það betra. En viljir þú ekki koma út
og skemmta þér með mér, þá tekur þú að
sjálfsögðu afleiðingunum. Þú mátt vita
það, að fólkið talar um það, og myndar
sér ýmsar skoðanir viðvíkjandi því, en eins
og ég sagði, þú um það. En nú er vagninn
kominn. Ég vona,“ bætti hún við, „að þú
verðir búinn að sjá þig um hönd í fyrra-
málið, og látir þér skiljast það, að þú getir
ekki krafist hvers sem er af konunni
þinni.“ Hún gekk til hans og ætlaði að
kveðja hann, en hann stjakaði henni var-
lega frá sér aftur.
„Nei, ég sé, að ég má ekki ætlast til
mikils af þér,“ sagði hann biturt.
Hún horfði undrandi á hann, eins og hún
vissi ekki, hvað hann ætti við, en þá varð
henni hugsað til vagnsins, sem beið henn-
ar úti, svo að hún flýtti sér út úr herberg-
inu. Litlu síðar heyrði hann, að vagninn
ók í burtu.
Hann grúfði sig niður í legubekkinn og
hélt höndunúm fyrir andlitið.
Var það raunveruleiki, að Sigrid væri
svona léttúðug og kaldrifja?
Hann hafði að vísu vitað, að hugur
hennar var hvarflandi og í meiralagi
barnalegur, þegar í þá daga, er þau voru
trúlofuð, en þá var hún líka svo ung, og
hann áleit, að það mundi eldast af henni,
og breytast til batnaðar, þegar hún væri
komin til hans og áhrifa hans færi að
gæta, því að hann vissi, að heimili foreldra
hennar hafði ekki haft góð áhrif á hana
og að uppeldi hennar væri ábótavant. Og
þegar hún sá, hve mjög hann unni henni,
þá bjóst hann fastlega við, að hún mundi
allt vilja gera til þess að þóknast honum.
Hann hafði unnað henni svo, að hann hafði
allt látið eftir henni, hvað sem hún kom
upp með. Hann hafði látið hana leiða sig
út í samkvæmislífið, þvertgegnviljasínum.
En það hafði hann jafnframt gert i von
um það, að hún síðar sæji sig um hönd
og yrði hæglát og forsjál kona. Og svo
þegar litli drengurinn þeirra fæddist, þá
hafði hann búizt við að allt mundi breyt-
ast og að hún yrði heimakær og vildi
hugsa vel um barnið sitt, en það fór á allt
aðra leið. Sigrid vanrækti algjörlega
móðurskyldur sínar við barnið, það var
öllu líkara því, að samkvæmislífið lokkaði
hana ennþá meira enn fyrr og hugsunar-
leysi hennar gagnvart heimilinu yrði
meira. Hún varð alltaf að leita sér
skemmtana og afþreyingar utan heimilis
síns.
Og nú — honum fannst, sem hann vakn-
aði allt í einu eftir langan svefn — eftir
Framhald á bls. 13.