Vikan - 16.12.1943, Blaðsíða 29
JÓLABLAÐ VIKUNNAR 1943
29
Bráðum koma jólin,
hve börnin til þess hlakka,
bamaskólum lokað er,
og allir fara heim.
Þá verður undur gaman
fyrir góða, litla krakka,
sem gera. allt eins og mamma
og pabbi segja þeim.
Helga fær þá brúðu
með ljósgult, liðað hárið,
litlar rauðar varir og augu fagurblá,
hún grætur aldrei, aldrei
og ekkert fellir tárið,
hún er það mesta þægðarbarn,
sem nokkur mamma á.
Og Hörður fær þá bílinn,
sem hann óskar sér að eiga,
að útliti og gæðum
eins og litlir drengir þrá.
Hann ekur honum sjálfur,
það engir aðrir mega,
því eigandinn kann vafalaust
bezt honum lagið á.
Svo kveikir mamma ljósin,
og allir syngja saman,
sálma yndisfagra um jólaboðskapinn.
Og síðan liður kvöldið
við leik og saklaust gaman,
unz litlu bömin hátta
og sofna rjóð á kinn.
Vinur Vikunnar.
Kæra Vika!
Við undirritaðar óskum eftir bréfa-
sambandi við pilt eða stúlku á aldr-
irium 14—19 ára, hvar sem er á
landinu.
V irðingarfyllst.
Guðrún S. Kristjánsdóttir,
Nýjabæ, Flatey,
Suður-Þingeyjasýslu.
Unnur Hermannsdóttir,
Bjargi, Flateý.
Suður-Þingeyjarsýslu.
Ásta Hermannsdóttir,
Bjargi, Flatey.
Suður-Þingeyjarsýslu.
Kæra Vika!
Ég hefi ákaflega veikar neglur,
svo veikar, að það má varla við þær
koma, þá flísast úr þeim og þær
rifna upp í kvikuna. Getur þú nú
ekki ráðlagt mér eitthvað gott við
þessu, því þetta er mjög bagalegt
fyrir mig.
Ein í vandræðum.
Svar: Gætið þess að klippa negl-
urnar iðulega og hirða þær vel á
allan hátt. Reynið að halda öllum
fingrunum ofan í volgri olíu á hverju
kvöldi. Þér getið notað sömu oliuna
kvöld eftir kvöld, en hitað hana upp í
hvert sinn. Ef þetta gagnar ekki
skuluð þér leita læknis við þessu.
Kæra Vika!
8/12. 1943.
Viltu ekki vera svo góð og birta
fyrir mig erindi, sem oft hefir verið
sungið i útvarpinu, því mér hefir
aldrei tekizt að læra það allt, það
byrjar svona: ,,Þú kemur vina mín,
í kvöld er máninn skín.“ Mér þætti
mjög vænt um, ef þú gætir gert þetta
fyrir mig, því lagið, sem þetta er
sungið undir kann ég og langar því
til að læra ljóðið líka.
Með kærri kveðju.
Sigga.
Svar: Erindið er svona:
Þú kemur vina min,
i kvöld er máninn skín.
Við þræðum þekkta slóð -—
þú ert svo góð.
Eg ungur unni þér,
þin ást er helgust mér,
hún vefur sumri og söng
um síðkvöld löng.
Við hlýðum klökk og sátt
á kvöldsins andardrátt,
er húmið hylur grund.
Það er heilög stund.
Nú veiztu, ástin min,
hve oft ég minnist þín.
Nú einan áttu mig.
Ég elska þig.
Kæra Vika min!
Mig langar til að biðja þig, að
vera svo góð og birta fyrir mig vis-
ur, sem mig langar til að læra. Mig
minnir, að þær byrji svona: Kvöldið
er fagurt, sólin setzt. — Vonast eftir
svari sem fyrst.
Fáfróð.
Svar: Vísurnar eru svona:
Kvöldið er fagurt, sólin setzt,
og sefur fugl á grein.
Við skulum koma vina min
og vera saman ein.
Ég þekki fagran, lítinn limd,
hjá læknum upp við foss,
þar sem gróa gullin blóm,
þú gefur heitan koss.
Þú veizt, að öll mín innsta þrá
er ástarkossin þinn.
Héðan af aQeins yndi ég
i örmum þínum finn.
Ég leiði þig í lundinn minn,
mín ljúfa, komdu nú.
Jörðin þó eigi ótal blóm,
mín eina rós ert þú.
Kæra Vika!
Vilt þú ekki leysa úr vandræðum
mínum; mig langar til að komast í
bréfasamband við stúlku á aldrinum
18—20 ára.
Sveinbjörn Jóhannsson,
Hringbraut 150.
Kæra Vika!
Við erum hér tvær systur, sem
langa til að leita ráða hjá þér. Önn-
ur er bláeygð með ljósan hörundslit
og dökkt hár. — Hin er nokkru
blakkari á hörund, með brún augu
og dökkt hár-. Hvaða litir álítur þú
nú, að klæða okkur bezt?
Tvær systur.
Svar: Þá fyrri mun klæða vel
bláir, rauðir og svartir litir, en þá
síðari brúnir, svartir, bláir og skær-
ir grænir litir.
1 síðasta blaði Vikunnar birtum
við í Póstinum kvæðið ,Heimþrá‘ eftir
Jón frá Ljárskógum, en þar sem
meinleg prentvilla hefir slæðst inn i
síðara erindið, birtum við kvæðið hér
á ný og biðjum höfund þess velvirð-
ingar á þessum mistökum:
Langt, langt í burt til hárra heiða
hverfur mín þrá.
Langt, langt í fjarska faðminn breiða
fjöllin mín hvit og blá.
Vorsins ljóð I hjarta hljómar.
„Hugur einn það veit.“
Heim, heim! í sál mér endurómar.
Eilif er þrá mín og heit.
Langt, langt í burt til heimahaga
hugurinn flýr.
Enn man ég liðna dýrðárdaga,
dásamleg æfintýr,
sólskin yfir suðurfjöllum,
söng og vængjaklið,
— sól, sól og vor í hugans höllum,
hamingju, gleði og frið!
Kæra Vika!
Sem lítinn þakklætisvott fyrir
margvíslegan fróðleik og góða
skemmtun á undanförnum árum,
sendi ég þér jólakrossgátu að gamni
mínu.
Vona ég að þú getir notað hana
og birt í næsta jólablaði.
Með kærri kveðju!
Jaðri, Dalvík, 28.—11.—’43.
Haraldur Zophoniasson.
Krossgátan er á bls. 33.
Kæra vika!
Það væri æskilegt, þegar þú flyt-
ur vísur, að þú gætir fengið svo góð-
ar upplýsingar að þú þyrftir ekki að
flytja þær umsnúnar, eins og t. d.
þessa vísu eftir Stefán frá Hvítadal,
sem þú hefir svona:
Siglan felld og fallinn byr.
feigðarveldin toga.
Glaðir eldar eins og fyr
undir kveldið loga.
En vísan er svona orðrétt í Hels-
íngjar:
Felld er siglan, fallinn byr,
feigðarveldin soga.
Eldar glaðir eins og fyr
undir kveldið loga.
Og önnur vísa í sama flokki er
svona:
Dauðinn kallar, býr mér bað,
bannar alla vegi.
Straumar falla ákaft að.
Óðum hallar degi.
Breiðfirsk kona.
7/12. 1943.
Kæra Vika!
Þú ert svo fjölfróð um alla hluti
og langar mig því til að biðja þig
um að fræða mig svolítið um hið
forna alþingi.
1. I hverju voru störf lögsögu-
mannanna fólgin á alþingi?
2. Hver voru laun þeirra fyrir
störfin ?
3. Hver var fyrsti lögsögumaðrir á
Islandi ?
Vonast eftir svari í næsta blaði.
Fáfróður í sögu landsins.
Svar: 1 Lestrarbók handa alþýðu
á Islandi eftir Þórarinn Böðvarsson,
segir svo: „Lögsögumaður helgaði
þingið, sagði upp alla lögþáttu og
þingsköp, hvert sumar; hann lýsti
sýknu manna að Lögbergi, o. s. frv.
Lögsögumaður var kosinn til þriggja
ára. Urskurður lögsögumanns um
það, hvað lög væru, var órjúfanlegur,
og þar sem vafi var á, hvort eitthvað
væri lögmætt eður ekki, var ætíð til
hans farið og úrskurði hans hlýtt
orðalaust. Lögsögumaður fékk 3
hundruð vaðmála af lögréttufjám
fyrir starf sitt; hann átti einnig sekt-
ir allar hálfar, er dæmdar voru á
alþingi fyrir þingvíti. Hinn fyrsti
lögsögumaður var Hrafn Hængsson."
Reykjavík, 6./9. 1943.
Kæra Vika!
Getur þú gjört svo vel og sagt mér
hvort það er nokkuð til i því að kvik-
myndaleikarinn Jan Hall, sem lék í
kvikmyndinni „Liljur vallarins" sé af
íslenzkum ættum.
Ég vona að þú getir svarað mér
sem allra fyrst.
Dúna.
Svar: Ekki höfum við heyrt þess
getið, að hann sé það.
Kæra Vika!
Mig langar til að biðja þig að
kenna mér ráð. Ég er mjög andfúll,
geturðu kennt mér ráð til þess að
losna við þennan vágest.
Með fyrirfram þökk fyrir svarið.
Strákur.
Svar: Það geta verið ýmsar orsak-
ir fyrir þessum kvilla, og þvi ekki
hægt að gefa nein ráð, sem að gagni
komi nema að vita af hverju and-
remman stafar. Þér skuluð leita til
læknis við þessu, því vera kann að
hann geti hjálpað yður.
Söguþœtti landpóstanna
þrá allir að eignast og verða þeir því tvímælalaust VINSÆLASTA JÓLAGJÖFIN!
Þjóðlegasfa og merkcsta jólabókin eru Hetjusagnir landpóstarna.