Vikan - 22.05.1947, Side 1
• •
SYNDA EÐA SOKKVA“
Lárus J. Rist, einn merkilegasti
fimleika- og sundkennari landsins,
hefir skrifað endurminningar sínar
og eru þær nýgefnar út á Akureyri.
Kennir þar margra grasa og fróð-
legra, sem vænta má, þegar slíkur
maður á í hlut, og birtum við
nokkrar myndir úr bókinni, ásamt
forsíðumynd af höfundi hennar,
sem er einn helzti brautryðjandi
sundíþróttarinnar hér á landi.
Lárus er fæddur 19. júní 1879, að Selja-
dal í Kjós, sonur Ingibjargar Jakobs-
dóttur frá Valdastöðum í Kjós og Jóhanns
Jakobs Rist Sveinbjamarsonar, Guð-
mundssonar frá Hvítárvöllum í Borgar-
firði. Móðir Lárusar dó úr mislingunum
vorið 1882 og varð þá faðir hans að bregða
búi og koma drengnum fyrir hjá móður
sinni, Petrínu Regínu Rist, sem bjó að Læk
í Leirársveit, en Ristnafnið hafði hún úr
föðurættinni, er sögð var gömul aðalsætt
sunnan úr Bæjaralandi. Fimm ára fluttist
Lárus með föður sínum útá Akranes, en
aftur, átta ára, til ömmu sinnar að Læk.
Drengurinn átti eftir að ferðast lengra,
þegar í æsku, því að nú var ráðgert, að þeir
feðgar færu norður í Eyjafjörð, til séra
Jónasar Jónassonar, síðar á Hrafnagili, og
Þórunnar, konu hans, en faðir Lárusar og
hún voru systkinabörn og vinátta með
frændsemi.
Var hann fyrst hjá þeim að Stokkahlöð-
um og síðar á Hrafnagili, en þegar faðir
Lárusar kvæntist aftur fluttist hann með
honum að Stokkahlöðum, svo að Bitru í
Kræklingahlíð, þaðan aftur, vorið 1892,
að Botni, næsta bæ við Hrafnagil. Hafði
þessi hrakningur farið illa með fjárhag
föður hans, en gott þótti þeim að vera
komnir aftur í nábýli við frændfólk sitt.
Framh. á bls. 3.