Vikan - 17.07.1947, Qupperneq 1
16 síður
Nr. 29, 17. júlí 1947.
*
Agætur íþróttamaður
*
jpiest byggðahverfi landsins efndu til
hátíðahalda 17. júní s. 1., á þjóðhátíð-
ardaginn. Voru margvíslegar skemmtanir
hafðar í frammi, en fyrst og fremst var
stefnt að því marki, að fólkið sjálft
skemmti sjálfu sér með leik og í leik, sam-
stillt og samtaka, því þannig á þjóðhátíð
að vera. íþróttafólk á þakkir skilið fyrir
sinn þátt í þessum hátíðahöldum, og jafn-
framt má minna á, að þessi dagur er orð-
inn samgróinn þjóðinni sem hátíðisdagur
fyrir þeirra tilverknað, en íþróttamenn
hafa haldið 17. júní hátíðlegan sem þjóð-
hátíðardag allt frá aldarafmæli Jóns Sig-
urðssonar forseta árið 1911, eða í tæp 40
ár.
íþróttamótið hér í Reykjavík, þennan
dag, vekur ávallt mikla eftirtekt, enda ekki
nema eðlilegt þar sem mörg þúsund áhorf-
endur safnast á íþróttavöllinn til að horfa
á íþróttasýningar og keppnir sem allir
okkar beztu íþróttamenn taka þátt í. Veitt
eru verðlaun fyrir unnin afrek, ágrafnir
minnispeningar sem hver einstaklingur fær
til eignar. Þar eru og ein verðlaun, sem
eftirsóknarverðust eru og er það hinn svo-
kallaði ,, Konungsbikar‘ ‘, sem sá íþrótta-
maðurinn hlýtur, sem mesta afrekið vinn-
ur. Kristján konungur X gaf þennan bik-
ar árið 1936 og vinnst hann aldrei til
t
eignar.
Að þessu sinni vann Finnbjörn Þorvalds-
son úr íþróttafélagi Reykjavíkur bikarinn
fyrir afrek sitt í 100 metra hlaupi, en hann
hljóp vegalengdina á 10,7 sek., sem er nýtt'
ísl. met og árangur með ágætum. Finn-
björn er ísfirðingur að ætt, 23 ára gamall
og sá íþróttamaður okkar sem mestar von-
ir eru tengdar við til afreka á þessu sviði.
Myndin sýnir Finnbjörn eftir að Konungs-
bikarinn var afhentur honum. -— (Sig.
Nordahl tók myndina).
Pinnbjöm Þorvaldsson, úr Iþróttafélagi Keykjavíkur.