Vikan - 03.10.1991, Blaðsíða 15

úrufegurð mikil þar efra. Að margra áliti er hér
um að ræða eitt fallegasta fjallasvæði á ís-
landi. Enginn kemst hjá því að verða gagntek-
inn af þeim undrum og stórmerkjum sem nátt-
úran þarna leiðir honum fyrir sjónir. ( tæru
haustloftinu verður landslagiö skarpara, fjöllin
færast nær manni böðuð í sólinni - þetta er
raunar engu líkt. Þarna er hægt aö ganga um
dögum saman, eða ríða um á reiðskjótum
sínum, og ósjálfrátt verður maður ölvaður af
því sem fyrir augu ber. Það er ekki fyrr en mað-
ur kemur auga á eitthvað sem likist kindum að
sá hinn sami hrekkur upp af vímunni og fer að
huga að smölun. ►
Hilmar Jóhannesson i Syðra-Langholti var ekki lengi að finna bjöllusauðinn sinn. Sá er af ættboga
hins mislita forystufjár sem haft er í þó nokkrum hávegum í Hrunamannahreppi. Bjölluna má sjá í
vinstra horni hans, lengst til hægri á myndinni.
Myndin að ofan er tekin í Fosslæk á leið norðurleitarmanna í Kerlingarfjöll.