Vikan - 21.10.1993, Blaðsíða 47
bak- og kviðvöðar og áhersl-
an er einnig lögð á fótleggi.
Allt er þetta gert til að mæta
því aukna álagi á líkama kon-
unnar sem fylgir meðgöngu
og fæðingu,” segir Esther og
bætir við að kona, sem ber
barn undir belti, skynji líkama
sinn og sjálfa sig með öðrum
hætti en fram til þess að hún
verður barnshafandi. Virðing
fyrir líkamanum sem slíkum
segir hún að aukist gjarnan
og konur vilji allt til vinna til
þess að halda sér í góðu
ástandi og vera fljótar að ná
sér eftir fæðinguna.
ALLAR KONUR
,,Við viljum ennfremur ná til
allra kvenna, í öllu ástandi,
ekki bara þeirra sem eru fyrir í
góðu líkamlegu formi. Það eru
nefnilega oft þær sem mest
þyrftu á þjálfun að halda sem
stunda hana síst. Einkum get-
ur þetta verið vegna þess að
þær kunna illa við sig innan
um hóp kvenna þar sem eru
jafnvel konur í mjög góðu
líkamlegu ástandi og þá get-
ur minnimáttarkenndar orðið
vart. Nú geta konur, sem
þannig er ástatt um, stundað
æfingarnar heima hjá sér og
náð árangri upp á eigin spýtur
undir faglegri tilsögn,” segir
Esther.
Fyrirkomulag myndbands-
ins er þannig að á því er að
finna tvo leikfimitíma og er
álag nokkuð meira í síðari
tímanum á bandinu. Þannig
geta konur valið sér álags-
styrkinn og aukið hann ef þær
vilja. Einnig er lögð rík áhersla
á teygjur og þá ekki síður
slökun sem ku vera mjög mik-
ilvæg fyrir barnshafandi kon-
ur. Sérstakur þáttur er fyrir
þær sem eiga við sértæk
vandamál að stríða, svo sem
bakverki og mjaðmagrindar-
verki, auk þess sem í lokin er
skotið inn góðum ráðum varð-
andi stellingar við brjóstagjöf
og vinnu. Konur geta síðan
stundað leikfimina að fyrir-
mynd myndbandsins allt frá
fyrstu vikum meðgöngu og í
nokkurn tíma eftir fæðinguna,
allt eftir því hve fljótar þær eru
að ná sér. □
Áhugasömum verðandi mæðrum
(og feðrum) er bent á sima
91-689658 þar sem hægt er aö
panta myndbandið en þvi veröur,
í þaö minnsta til aö byrja meö,
einungis dreift eftir innhringdum
pöntunum.
FINNDU 6 VILLUR
giA pæq njioyy '9 'lMsjq sofmn 'S 'uaænu
-snq j eu|E| iidjijsepug v eiojjeiieij uBueq £ 'jbiuea jn|Oinde>| z 'J!gBæ|j’e[| jejem ' 1
STJÖRNUSPA
HRÚTURINN
21. mars - 20. apríl
Þú átt þess tæpast kost að
draga þig í hlé og láta eins og þú
sért staddur á eyðieyju. Hvort sem
þér líkar það betur er verr verður
þú að taka þátt í ýmsu því sem á
vegi þínum verður. Það veröur leit-
að til þín og beinlínis ætlast til þess
að þú látir til þín taka, í það
minnsta sýnir lit.
NAUTID
21. apríl-21. maí
Einkalíf þitt á eftir að verða
mjög svo viðburðaríkt á næstunni.
Það verður það erilsamt hjá þér á
því sviði að þér finnst hvíld í því að
fara í vinnuna, þvo bílinn eða fara
út í búð. Haltu þínu striki og gættu
þín á því að láta engan vefja þér
um fingur sér.
TVÍBURARNIR
22. maí - 21. júní
Þér getur reynst erfitt að
komast hjá því að gagnrýna aðra,
einkum þegar þú ert beðinn um að
segja álit þitt umbúðalaust. Reyndu
samt að fara þér að engu óðslega
og sigla á milli skers og báru.
Sannleikurinn er að vísu sagna
bestur - reyndu samt að benda á
jákvæðu hliðarnar.
KRABBINN
22. júní - 23. júlí
Þér leiðist hálfpartinn
þessa dagana og finnst hvunndag-
urinn þreytandi og tilbreytingarlaus.
Gerðu þér dagamun og notaðu
þann frítíma sem gefst til að hlaða
rafhlöðurnar. Hver veit nema þú
sjáir þá hversdagslegustu hluti í
nýju Ijósi.
LJÓNIÐ
24. júlí - 23. ágúst
Það er kominn tími tii að
þú hreinsir svolítið til í kringum þig,
hvort sem er heima eða á vinnu-
stað. Haltu þig við það sem þér
finnst gott og hagkvæmt en hentu
hinu sem farið er að flækjast fyrir
þér og er engum til gagns.
MEYJAN
24. ágúst - 23. sept.
Sköpunargleði þinni er við
brugðið um þessar mundir, þess
vegna mun lausn þín á ákveönu
vandamáli vekja óskipta athygli fé-
laga þinna. Ef þú notar þessa hæfi-
leika þína í jafnríkum mæli í ástar-
málunum er sannarlega von á
góðu. Prófaðu og vittu hvaö gerist.
VOGIN
24. sept. - 23. október
Þú lifðir ef til vill meira fyrir
hugsjónir þínar þegar þú varst
yngri. Þú hefur það nefnilega svo
náðugt um þessar mundir að
gömlu gildin eru næstum gleymd.
Rifjaðu þau upp, ekki mun af veita
tii að sjá hvert þú stefnir.
SPORÐDREKINN
24. október - 22. nóv.
Þú átt erfitt með að sitja
á strák þínum þessa dagana.
Reyndu samt að missa ekki stjórn
á þér þó að freistingarnar séu mikl-
ar allt í kringum þig. Farðu þér að
engu óðslega innan um annað fólk
- það mun engu að síður taka eftir
þér þar sem útgeislun þín er með
mesta móti.
BOGMAÐURINN
23. nóv. - 22. desember
Þú ert á einhvern hátt
mjög næmur þessa dagana, horfir
mikið til himins og sérð stjörnuhrap
allt í kringum þig. Draumar þínir eru
þér ofarlega í huga án þess að þeir
þurfi að þýða eitthvað fyrir þig.
Láttu samt ekki sem ekkert sé, það
eru skrítnir hlutir að gerast.
STEINGEITIN
23. des. - 20. janúar
Þér líður einkar vel þessa
dagana, betur en í lengri tíma.
Brátt muntu heillast af ákveðinni
persónu sem smám saman eignast
hug þinn allan. Láttu tilfinningarnar
ráða gjörðum þínum í því tilfelli,
hvort sem það er á sviði ásta eða
hversdagslegra hluta eins og vinnu
eða skóla.
VATNSBERINN
21. janúar -19. febrúar
Þó svo að þú sért ákveð-
inn í að ná þvi marki sem þú hefur
sett þér máttu ekki gleyma öllu
öðru, allra síst þeim sem þér þykir
vænst um. Ýmis teikn á stjörnu-
himninum benda til þess að þínar
mjúku og rómantísku hliðar muni
einnig fá að njóta sín á næstunni.
FISKARNIR
20. febrúar - 20. mars
Framferði þitt þessa dag-
ana gæti hneykslað ýmsa eða að
minnsta kosti fengið þá til að reka
upp stór augu. Sannfæringarkraftur
þinn er mikill um þessar mundir og
þú ert ófeiminn við að halda þínu til
streitu gagnvart hverjum sem er.
Ástin er þín megin í lífinu núna.
21.TBL. 1993 VIKAN 47
MEÐGANGA