Vikan - 02.12.1993, Blaðsíða 79

HUGARFLUGE) OSPART WOTAÐ
Gunnhildur Emilsdóttir rekur matstofuna
Á næstu grösum þar sem boðið er
upp á ýmiss konar grænmetisrétti.
„Maturinn er mjög fjölbreyttur hjá okkur og við
erum aldrei með það sama frá degi til dags.
Við reynum að hafa fæði fyrir alla, einn dag-
inn fyrir þá sem vilja makróbíótískan mat eða
þá sem þjást af sveppaóþoli og svo framveg-
is. Hér er hugarflugið notað óspart og við höf-
um stundum sagt að við tökum á móti hug-
skeytum þar sem við höfum ekki faxtæki og
okkur virðist sem við séum alltaf á undan mið-
að við grænmetisfæði erlendis. Við bjóðum
ekki upp á borðþjónustu og enga óþarfa hluti
heldur reynum að vera praktískar. Varan, sem
notuð er, á að vera sem hreinust og engin
aukaefni í henni. Draumurinn er að hafa
hundrað prósent lífrænt ræktað hráefni en
sem stendur eru um sjötíu prósent af hráefn-
inu lífrænt ræktuð."
Gunnhildur segist hafa byrjað fyrir sautján
árum að borða grænmeti vegna þess að það
hafi þótt flott á hippati'mabilinu og verið ódýrt
en einnig hafi hún ekki verið neitt sérstaklega
hrifin af dýradrápi.
„Ég var fyrst með pínulítinn stað heima hjá
mér. Ég fann að það átti vel við mig að elda
og þjóna fólki. Seinna vorum við fimm konur
sem tókum okkur saman um að reka veitinga-
stofu sem gekk ágætlega. Ég byrjaði að reka
Á næstu grösum ásamt Margréti Björgúlfs-
dóttur en síðan hætti hún en ég hélt áfram af
illri nauðsyn því þetta er það eina sem ég
kann.“
Uppskriftir Gunnhildar eru ætlaðar fólki sem
hefur sveppaóþol. „Auðvitað má bæta við
kryddi og sykri eða hverju því sem fólki sýnist
en það er miðað við að fólk með sveppaóþol
geti notað þær,“ segir Gunnhildur Emilsdóttir.
24.TBL. 1993 VIKAN 79