Vikan - 02.12.1993, Blaðsíða 86

DRYKKIR
. 1

. Jj

TEXTI: JÓHANNA HARÐARDÓTTIR
Kaffi er ekki bara kaffi,
það vita margir kaffiá-
hugamenn á íslandi.
Enginn veit það samt betur en
Aðalheiður Héðinsdóttir, eig-
andi Kaffitárs í Keflavík. Aðal-
heiður bjó í Madison í
Wisconsin í fimm ár og þar
lærði hún að meta kaffi og
hvernig á að þekkja það,
vinna það og njóta þess.
EINKAKENNSLA
Í VITLAUSU VEÐRI
„Ég drakk áður bara iðnaðar-
kaffi eins og flestir aðrir. Ég
man enn eftir því þegar ég
fékk i fyrsta skipti virkilega
gott kaffi. Ég var alveg hissa á
að þetta skyldi líka flokkast
undir kaffi, það var svo gjöró-
líkt því kaffi sem ég hafði
smakkað áður og rosalega
gott.
Ég var svo heppin að láta
skrá mig á námskeið þarna
úti. Það hét „Coffie and tea
appreciation” og búist var við
miklum fjölda þátttakenda.
Það gerði kolvitlaust veður
þennan dag, hörkufrost og rok
og ég var eini nemandinn sem
mætti, kasólétt í lopapeysunni!
Kennarinn átti fjórar sérversl-
anir með kaffi og bjó yfir
geysilegri þekkingu og reynslu
og ég fékk þarna einkatima!
Upp frá þessu langaði mig
alltaf að stofna kaffiverslun
hér heima og kynnti mér allt
sem ég gat varðandi þetta. Ég
var svo heppin að þegar ég
var búin að eiga barnið fékk
ég að vinna launalaust í tæpt
ár hjá þessum sérfræðingi og
fékk þar ómetanlega kennslu.
Ég lærði að smakka og fékk
að fara í öll verk, fór meira að
segja með í baunainnkaupin
og kynntist þar þeim aðila
sem ég versla við núna. Þetta
er mjög mikilvægt, það er
mikils virði að geta fengið
góðar baunir og samkeppnin
um þær er hörð.“
GÓÐAR BAUNIR
OG RÉTT BRENNSLA
Aðalheiður fær sendar ó-
brenndar baunir í litlum pökk-
um frá New York. Baunirnar
eru mjög misjafnar að allri
gerð og uppskeran milli ára
misgóð þótt um sé að ræða
sömu tegund bauna. Venju-
lega eru þrjár baunatínslur á
ári og sú í miðið er best. Kaffi-
baunin sjálf geymist í fjögur til
fimm ár óbrennd en eftir það
fer hún að breyta um bragð og
þá finna vanir kaffismakkarar
geymslubragð af kaffinu. Að-
alheiður brennir baunirnar,
sem hún fær, mismikið og
smakkar síðan. Brennslan
skiptir miklu máli og reglan er
sú að því meira sem baunin er
brennd þeim mun minni verð-
ur sýran í kaffinu. Eftir þessar
tilraunir er ákveðið hvað skuli
panta inn.
Eftir að nýjar baunir eru
komnar í sekkjum hefst vinnsl-
an hjá Aðalheiði. Hún brennir
baunirnar jafnóðum og á að
selja þær þannig að kaffið er
alltaf ferskt. Baunirnar breytast
nefnilega hraðar eftir að þær
hafa verið brenndar og þess
má geta að kaffið frá Kaffitári
er eina kaffið á markaðinum
sem dagsett er með brennslu-
degi. Síðan er kaffinu dreift til
stórmarkaða á Reykjavíkur-
svæðinu og í verslanir á
Reykjanesi.
MIÐLAR AF
ÞEKKINGU SINNI
Aðalheiður er kaffikona af
guðs náð og reynir að miðla
öðrum af þekkingu sinni,
kenna fólki að meta gott kaffi.
Hún hefur meðal annars hald-
ið fræðsluerindi um kaffi fyrir
félagasamtök. Hún sýnir kaff-
inu virðingu eins og vín-
smakkari eðalvíni.
„Það er ekki nóg að hafa
fyrsta flokks baunir ef þær fá
ekki góða meðhöndlun. Vatn-
ið þarf að vera 93-97 gráða
heitt þegar það snertir kaffið
svo olíurnar í kaffinu leysist
upp. Þess vegna er „uppá-
hellt“ kaffi yfirleitt betra. Kaffi
úr kaffivélum getur líka verið
gott ef vatnið í þeim hitnar
nógu vel. Ef vel á að vera þarf
líka að gefa sér tíma til að
njóta kaffisins," segir Aðal-
heiður.
SUDURNESJA-
EXPRESSÓ
Kaffi og líkjör á einstaklega
vel saman. Hér er auðveld og
fljótleg uppskrift að ábætis-
kaffi með Kahlúa-líkjör en
nota má hvaða líkjör sem er:
Hellt er upp á sterkt Suður-
nesjakaffi eða expressó.
í hvern mokkabolla er hellt
heitu kaffi og um það bil 2
teskeiðum af Kahlúa. Skreytt
með þeyttum rjóma og rifnu
súkkulaði eða kakómalti. □
86 VIKAN 24.TBL. 1993