Vikan - 05.03.1994, Blaðsíða 54
SKÓLALÍF
MYNJtR OG TEXTI: SIGRÚN SIGURÐARDÓTTIR
MORÐOÐUR RAKARI
BLÓÐ FLÝTUR OG ÖSKRIN ÓMA Á HERRANÓTT í TJARNABÆ
Morðóður rakari,
ranglátur dómari
og gómsætar kjöt-
bökur er það sem lífið snýst
um í Tjarnabíói þessa dag-
ana. Þar standa yfir æfingar
á leikritinu Sweeny Todd,
The Demon Baker of Fleet
Street sem Davíð Þór Jóns-
son, útvarpsmaður og pistla-
höfundur hefur snúið yfir á
íslensku sem Morðóði rakar-
inn við Hafnargötuna, en
þýðing verksins er í hans
höndum. Sagan um Sweeny
Todd er bresk þjóðsaga sem
gerðar hafa verið nokkrar
leikgerðir eftir. Sú, sem upp-
setning Herranætur byggir á
er eftir Christopher Bond og
hefur notið mikilla vinsælda
sfðustu tuttugu árin. Undan-
farna mánuði hefur söngleik-
ur, byggður á sömu leikgerð,
verið sýndur við miklar vin-
sældir í Lundúnum þar sem
sagan gerist.
Sagan segir að rakarinn
Sweeny hafi lent upp á kant
við konu sína og hrakist í
fimmtán ára á útlegð. Þar
hefur ákveðin kona verið á
ferð, sú varð þó ekki langlíf
því á meðan útlegð Sweeny
stóð gaf hún upp öndina.
Sweeny kemur aftur til Lund-
úna árið 1844. Hann er þá
upplýstur um að dóttur hans
hafi verið komið í fóstur til
erkióvinar hans. Sweeny
hyggst að sjálfsögðu leita
hefnda, enda bitur maður
eftir margra ára útlegð.
Sweeny og vinkona hans úr
fortíðinni, frú Lovett, fara að
krunka sig saman. Frú Lo-
vett rekur verslun sem sér-
hæfir sig í sölu á kjötbökum
en viðskiptin ganga ekki
sem skyldi. Hart er í ári.
Sweeny opnar rakarastofu á
hæðinni fyrir ofan verslun
Lovett og upp úr því spinnst
náið samstarf þeirra á milli.
Fæstir þeir, sem koma á rak-
arastofuna, eiga þaðan aft-
urkvæmt. Mannakjöt reynist
vera fyrirtaks hráefni í kjöt-
bökurnar og heljarinnar upp-
sveifla verður í sölu á þeim.
Frú Lovett græðir á tá og
fingri á meðan líkin hrannast
upp á rakarastofunni. Má
segja að andi frönsku mynd-
arinnar Delicatissen svífi hér
yfir vötnum. Markmið
Sweeny er að breyta erki-
óvinum sínum í gómsætar
kjötbökur. Fyrr verður sál
hans ekki fullnægt.
„Við ætlum að reyna að
gera þetta dálítið blóðugt og
ógeðslegt", segir Ólafur
Darri Ólafsson sem fer með
hlutverk Sweeny. Það er
ekki þar með sagt að leikritið
gangi allt út á beinagrindur
og óhugnað því undirstaðan
í verkinu er kaldhæðin
kímni. Hrollvekjan er aldrei
langt undan og til að auka
en á spennuna verður hljóm-
sveit á sviðinu sem leggur til
ýmis áhrifahljóð eins og við
þekkjum vel úr kvikmyndum.
Tenglslin við kvikmyndir eru
hugsanlega augljósari vegna
þess að sá sem leikstýrir
verkinu er Óskar Jónasson
en hann mun vera þekktast-
ur fyrir afskipti sín af bíó-
myndum og þá ekki síst Só-
dómu Reykjavík. Leikararnir
láta vel af Óskari og segja
hann vera „léttan og
skemmtilegan og mjög hug-
myndaríkan." Það er ekki
ætlun min að setja Óskar á
vogaskálarnar en greinilegt
er að hann hefur ekki síður
gaman af þessu en krakk-
arnir. Milli fimmtán og tutt-
ugu leikarar taka þátt í sýn-
ingunní og þar af eru níu
sem fara með nokkuð stór
hlutverk. Eins og áður sagði
er Ólafur Darri í aðalhlut-
verki, en auk hans fara þau
Markús Þór Andrésson,
Nanna Kristín Jóhannsdóttir,
Egill Jónsson og Arnbjörg
Valsdóttir með lykilhlutverk.
Nemendur Myndlista- og
handíðaskóla íslands hönn-
uðu leikmyndina og aðstoð-
uðu við búningagerð og fá
þau vinnu sína metna í nám-
inu við skólann. Mjög sniðug
hugmynd sem fleiri leikhópar
ættu að tileinka sér. □
54 VIKAN 2. TBL. 1994