Vikan - 24.08.1999, Blaðsíða 48

Konur og sætindi
Konur eru miklu sólgnari í sætindi en karlar. Þær
falla þar að auki frekar fyrir sætum freistingum, sér-
staklega þeim sem líta vel út.
Konur panta mun oftar sæta eftirrétti á veitinga-
stöðum. Um 77% kvenna viðurkennir að þær panti
alltaf sætan eftirrétt ef sá/þeir sem þær borða með
geri það, en aðeins 43% karla viðurkennir það sama.
Meirihluti kvenna segist panta þá eftirrétti sem séu
ferskir og fallegir á að líta.
48 Vikan
s
Grænt te fyrir tennur og maga
Bæði japanskir og bandarískir vísindamenn hafa komist að
þeirri niðurstöðu að grænt te geti minnkað líkurnar á að krabba-
mein myndist. Þetta gildir fyrst og fremst um krabbamein í melt-
ingarvegi, maga og húð.
Vísindamenn í krabbameinsleitarstöð í Bandaríkjunum báru
saman neysluvenjur 909 kínverskra krabbameinssjúklinga og
1552 heilbrigðra kínverja á svipuðum aldri og niðurstöðurnar
sýndu það sem víðar hefur komið í Ijós; að þeir sem reykja ekki og
drekka reglulega grænt te séu ekki í áhættuhópi hvað krabbamein
í meltingarvegi áhrærir.
Japanskir vísindamenn hafa gert margar tilraunir sem benda til
hins sama. Til stuðnings þessum kenningum benda þeir réttilega á
að krabbamein í meltingarfærum sé mun fátíðara á þeim svæðum
þar sem grænt te sé drukkið.
Grænt te inniheldur mikið af polyphenolum sem hreinsa lík-
amann af ýmsum skaðlegum efnum og hefur því mjög góð áhrif á
allt varnarkerfi hans.
Græna teið er mjög hollt
fyrir tennurnar ekki síður en
magann. Þeir sem drekka te,
grænt eða svart, fá síður
skemmdir í tennur en þeir
sem ekki drekka það. Ein af
ástæðum þess er sú að teið
inniheldur flúor.
Gráttu bara
Næst þegar þig langar til að gráta skaltu láta það eftir þér.
Grátur er mjög endurnærandi fyrir sálina og getur gert
kraftaverk við þreytu og streitu. Við grátinn lækkar blóðþrýst-
ingurinn, vöðvarnir mýkjast og það dregur úr spennu í líkam-
anum. Gráturinn virkar svipað á sálina, fólk tæmir hugann og
hugsanir verða mildari.
Þekktur prófessor í geðlækningum við University of Okla-
homa, George Guthrey, ráðleggur fólki eindregið að gráta
þegar því líður illa vegna streitu eða líkamlegs álags. Hann
segir að grátur deyfi sársauka (jafnt andlegan sem líkamleg-
an) betur en allt annað.
En hann varar fólk við að gráta oft í einrúmi. „
Finndu þér öxl til að gráta á ef þú hefur oft þörf fyrir
að gráta. Þeir sem gráta oft einslega geta með tím-
anum farið að finna til einmanakenndar í kjölfarið.
Ef það gerist getur gráturinn valdið annars konar
sársauka í staðinn", segir Guthrey.
iQ
Tíðaverkir
Margar konur þjást af tíðaverkjum 3-4 daga í hverjum
mánuði og í sumum tilfellum eru þeir svo slæmir að konan er
rúmliggjandi. Margar konur eru svo illa haldnar að þær eru
frá vinnu í 1-2 daga í mánuði og enn stærri hluti kvenna
sinnir skyldustörfum en líður ákaflega illa og á bágt með að
einbeita sér vegna verkjanna.
Verst er líðanin hjá þeim konum sem hafa sjúkdóminn
endometriosis eða slímhimnuflakk en langflestar þeirrra eiga
við mikla tíðaverki að stríða.
Verkirnir sem í daglegu tali eru kallaðir tíðaverkir stafa af
því að prostaglandin hormón eykst við byrjun blæðinga og
veldur því að legið dregst saman. í sumum tilfellum er sam-
drátturinn svo sterkur að hann verður krampakenndur. Þessi
sterki samdráttur í leginu veldur því að blóðflæði til legsins
minnkar og það fær ekki nægjanlegt súrefni og af því stafa
verkirnir.
Slökun hjálpar mikið. Leggstu á gólfið með fæturna upp á
stól og slakaðu vel á vöðvum í fótum og maga.
Svæðanudd og nálarstungur hafa hjálpað mörgum konum.
Vandaðu valið á þeim sem þú leitar til og reyndu að spyrjast
fyrir hjá lækni, samstarfskonum og vinkonum áður en þú leit-
ar hjálpar.
Ef ekkert annað hjálpar skaltu taka verkjalyf. Áður en þú
reynir eitthvað sterkara skaltu byrja á að taka væg verkjalyf
sem innihalda paracetamol. Ef þau duga ekki skaltu reyna
lyf sem innihalda ibuprofen eða naproxen. Þrófaðu þig áfram
þangað til þú finnur verkjalyf sem er hæfilega sterkt til að
ráðlagður skammtur eyði tíðaverknum algerlega.
Hafir þú reglulegar tíðir getur þú byrjað að taka verkjalyfin
daginn sem þú væntir þess að þær byrji.
Ef verkir fylgja ekki í hverjum tíðahring skaltu ekki byrja að
taka verkjalyfin fyrr en þú finnur fyrir verkjunum, en bíddu
ekki of lengi því um leið og prostaglandínið er orðið mikið í
blóðinu er erfitt að stoppa verkina.
Ef þú á annað borð þarft að taka
verkjalyf skaltu taka þau í a.m.k þrjá
daga eða þangað til prostaglandínið
fer að minnka í blóðinu.
Ef þig grunar að verkirnir stafi af ein-
hverju öðru en samdrætti í leginu áttu
ekki að hika við að leita læknis strax.