Menntamál - 01.12.1937, Blaðsíða 45

MENNTAMÁL
203
skoti. Blum er rúmlega meðalmaður á liæð, en grannur
og fínlegur. Bros leikur sífellt um varir hans og er eins og
fjörið og ástúðin geisli út frá honum. Ræðan var snjöll,
fyndin og lifandi. Þegar hann talar hallast hann venju-
lega dálitið áfram, styður hnúa hægri handar við og við á
horðið, en lætur þá vinstri leika fram og aftur. Persónan
er heillandi.
Um það getur elcki verið að ræða hér að gefa ýtarlega
og þaðan af síður tæmandi lýsingu á uppeldismálaþing-
inu m. a. fyrir þá sök, að til þess myndi mig skorta heim-
ildir. Þingið starfaði i 8 deildum þ. e. a. s. 8 fyrrirlestrar
voru fluttir samtímis. Yar því af þeirri ástæðu einni
ómögulegt að fylgjast með öllu þvi sem gerðist þar. En
nú er verið að húa erindin, sem flutt voru á þinginu, undir
prentun, og gizkað á, að það verði bók upp á 000 bls. a.
m. k. Ýmsir af frægustu barnasálarfræðingum, uppeldis-
fræðingum og skólamönnum víðsvegar um heim létu
þarna til sín heyra. Flutt voru erindi um heimspeki og
uppeldismál, um kennsluaðferðir, um unglingafræðslu, um
smábarnakennslu, um barnabókasöfn og barnabókmennt-
ir, um harnasálarfræði, um kennaramenntun, um notkun
nýtizku kennslutækja s. s. kvikmynda og útvarps o. s. frv.
Einnig voru sýndar kvikmyndir og skuggamyndir. Allra
xnest virtist vandað til og viðað að efni um heimspeki
uppeldisins. Undir þann lið heyrir fyrirkomulag skóla-
málanna í hinum ýmsu löndum. ÖIlu öðru fremur vakti
athygi mína undir þessum lið málflutningur Téklcóslóv-
akiumanna1).
Við Norðurlandabúar vorum saman á dagskránni
frá klukkan 9—12 miðvikudaginn 28. júli. Fyrstur talaði
Kaalund-Jörgensen, fræðslumálastjóri Dana, um fræðslu-
lögin nýju i Danmörku, sem gengu i gildi í maí í vor. Þá
lalaði eg um helztu einkenni barnalræðslunnar og alþýðu-
1) Sjá Menntamál maí—sept. þ. á.