Menntamál - 01.09.1941, Blaðsíða 41

MENNTAMÁL
87
tóbak eða vín. Þetta skapar sterkan vilja og manndóm. Sá, sem dag-
lega er þannig herra umhverfis síns, mun styrkur reynast, þegar
þrautir og mótlæti steðja að. í honum hefur opnazt uppspretta innri
kraftar.
Mannkynið þarf að þroskast gegn um sjálfsagann. Hjá Platon fengu
ungir menn að rökræða stjórnarfarsleg og siðgæðis vandamál, bæði
í sínum hópi, en einnig með þátttöku hinna eldri. Á 12. öld ferðuðust
menn hundrað mílur, til þess að nálgast pistil frá Abélard. — En æska
vorra tíma hópast í örvita æði á heimskulegar kvikmyndir, eða leitar
stundarhugsvölunar með því að skrúfa frá útvarpstæki. Slík handhæg
stundarfylling lamar ungdóminn, það er sóað hinum dýrustu verð-
mætum uppvaxtaráranna, foreldrar verða vanmáttugir gagnvart börn-
unum og andleg ólyfjan læsist um þjóðfélögin. Andleg heilbrigði og
framtíð kynslóðanna stendur á barmi glötunarinnar, meðan því vindur
fram sem nú horfir, að hin sýrðu, stjórnarfarslegu sjónarmið ráði
hugum og gerðum fólksins.
Fullorðið fólk á oft erfitt með að breyta venjum sínum. Vér verðum
því að byggja alla vonarglætu vora á börnunUm og hinum ófæddu
kynslóðum, segir Carrel. Á þeirra eiginleikum og þeirra ákvörðunum
veltur framtíðin. í uppeldinu fellur ábyrgðin fyrst og fremst á for-
eldrana. Þessi ábyrgð verður aldrei færð yfir á aðra. Eyðilögð börn er
óhamingja Ameríku. Hvergi nokkurs staðar í víðri veröld eru börn
jafn skemmd af foreldrum, sem hafa vanrækt að láta afkomendur sína
kynnast blessun starfsins og vinnunnar. Og æska vorra tíma svarar
með vanþakklæti fyrir öll þau gæði og lystisemdir, sem henni hafa
fallið í skaut.
Svensk Larartidning.
Póstsamgöngur eru strjálar frá Svíþjóð á þessum ófriðartímum.
Þannig bárust Menntamálum 14. júní blöð af Svensk Lárartidning frá
1. marz s. 1. Engin nýrri blöð frá Svíþjóð eru fyrir hendi.
Miljón krónur.
Sænsk skólabörn söfnuðu nálega einni milljón króna á síðastliðnum
vetri til hjálpar Finnum, meðan þeir áttu í styrjöld við Rússa.
Svíar
virðast ekki láta styrjöldina trufla starfsemi skólanna. Undirbúa þeir
ferðalög skólabarna líkt og undanfarið.