Menntamál - 01.04.1945, Blaðsíða 5
MENNTAMAL
88
„Því býst ég við. Svona staðir þurfa ef til vill sérstakt
skólaform. Ég býst við, að aðstæður séu svipaðar í öðr-
um verstöðvum við Faxaflóa og líklega í Vestmannaeyj-
um.“
„Hvað áttu við með sérstöku skólaformi?“
„Ég álít, að hið opinbera þurfi að hafa meiri afskipti
af uppeldi barnanna á þessum stöðum heldur en aðeins
að veita þeim hina almennu skólagöngu. Skólabörn þess-
ara staða búa við allt önnur og miklu lakari skilyrði um
skólatímann en önnur börn. Víðast hvar býr fullorðna
fólkið við reglubundinn starfstíma daglega að vetrinum.
Þar, sem svo hagar til, eru fyrir hendi skilyrði fyrir
rólegu, reglubundnu heimilislífi og þá jafnframt fyrir
möguleikum til heimanáms fyrir börnin. En í verstöðv-
unum eru þessi skilyrði á heimilunum lík um vetrarver-
tíðina og þau mundu vera í sveitunum um hásláttinn eða
á Siglufirði um síldveiðitímann.“
„Hvað viltu þá láta gera?“
„Því miður eru hugmyndir mínar um það ekki svo fast
mótaðar, að ég geti sagt ákveðið: Svona á það að vera.
Hins vegar hef ég gert tilraun til að leggja þetta niður
fyrir mér, og skal ég lýsa því fyrir þér í höfuðdráttum:
Þá tíma dags, sem börnin eru ekki í skóla, þurfa þau
að geta stundað leiki og nám utan heimilis við hagkvæm
skilyrði undir umsjá og leiðbeiningum þar til hæfra
manna. Við þetta vinnst tvennt: áhyggjum og erfiði væri
létt af mæðrunum, en jafnframt væri börnunum búin
betri skilyrði til þroska. Til þess að framkvæma þetta
þarf hentug og rúmgóð svæði, þar sem börnin hefðu svig-
rúm til skauta- og sleðaferða eða annarra útileikja að
vetrinum. Húsnæði þarf, þar sem börn úr neðri bekkjum
barnaskólans gætu verið að leik og störfum við sitt hæfi
(t. d. föndur, teikningu, leirmótun o. fl.). Fyrir eldri
börnin þarf húsrúm til bóklesturs, bæði til undirbúnings
skólanum og til skemmtunar, og svo vinnustofur.“