Menntamál - 01.04.1945, Blaðsíða 7
MENNTAMÁL
85
STEFÁN JÚLÍUSSON:
Heimsóknir í skóla
3. Skóli samfélagsins.
l.
Síðasta daginn, sem ég var vestanhafs (1. september
1943), þurfti ég að taka leigubíl til þess að koma farangri
mínum um borð í Dettifoss, sem þá lá við bryggju í New
York. Vegna þess, að ég hafði búið ofarlega í borginni,
var leiðin alllöng, og lá hún austan megin á Manhattan-
ey, meðfram East River. Enda þótt ég byggi lengi í New
York, hafði ég mjög sjaldan farið þessa leið, og bað ég
því bilstjórann að aka ekki ýkja hratt, því að mig langaði
til að athuga umhverfið. Við ókum eftir svo til nýlagðri
akbraut og fórum fram hjá mörgum nýbyggingum. Ég
hafði orð á því við bílstjórann, að hér hefði auðsjáan-
lega mikið verið lagfært og endurbætt á síðustu árum.
— Yður er óhætt að veðja lífinu upp á að svo er, lags-
maður, sagði bílstjórinn, sem var líkur öðrum leigubíl-
stjórum vestra í því að vera skrafhreyfinn, þegar á hann
var yrt. — Hér var allt í örgustu niðurníðslu fyrir nokkr-
um árum. Aumlegt borgarhverfi, óhreinindi og voðaleg
fátækt. Engin bílabraut. Engar fallegar byggingar. Allt
það versta í þessari borg. En La Guardia tók í taumana
og lét hreinsa hér til. Það var atvinnubótavinna á vand-
ræðaárunum. Borgarstjórinn okkar er karl, sem segir sex,
lagsmaður, þó að hann sé ekki stór.
Þegar hér var komið máli bílstjórans, fórum við fram
hjá stórri skólabyggingu, sem auðsjáanlega var nýlega
fullgerð. Þá minntist ég þess, að hálfu öðru ári áður