Menntamál - 01.12.1949, Blaðsíða 24

146
MENNTAMÁL
hljóðum, sem þeir verða að læra að greina sundur — auk
þess skiptitöflu til þess að fá samband við öll borð nem-
endanna í einu. Það eru því öll skilyrði til fullkominnar
kennslu í morsi, þegar við fáum sérkennara í því. Munu
skátarnir ekki sízt hafa hug á þessari grein. I kvikmynda-
sal skólans verður sett leiksvið og marglit ljós til eflingar
leikstarfseminni. Þá verður komið fyrir sérstökum
grammofónútbúnaði í því skyni að geta glætt skilning
barnanna á hljómlist.
Þessi tómstundastarfsemi, sem þegar er til, mun færa
út kvíarnar, og leitað verður samstarfs við leikhús bæjar-
ins, íþróttafélög og ef til vill við kvikmyndafélög, svo að
fjölbreytnin geti orðið sem mest. Að sjálfsögðu ber fyrst
að sinna þeim málum, sem hugur barnanna beinist mest
að, en við skulum gera okkur það ljóst, að vinnubrögð með
líku sniði og hér hefur verið lýst geta orðið einn hinn
mesti nýgræðingur í uppeldismálum vorra tíma, ef kenn-
ararnir beita sér af lífi og sál fyrir slíkri starfsemi. í þess-
um efnum eru menn óbundnir af námskrám og prófkröf-
um og geta leyft sér djarflegar fyrirætlanir, sem enginn
hefði þorað að tæpa á innan vébanda námsreglugerðanna.
Að lokum vil ég nefna eitt atriði, sem varðar öll Norður-
lönd. Lönd okkar eiga yfir mikilli auðlegð náttúrunnar að
búa, svo að óvíða í heiminum er slíka fjölbreytni að finna
— jurta- og dýralíf getur með stuttu millibili skipt svo um
svip eins og farið sé um hálfan hnöttinn. Þarna er hið
ákjósanlegasta athugunarefni jafnt vetur og sumar. En
það er fullkomin ástæða til að mæla varnaðarorð til ferða-
langa um það, hvernig þeir færa sér dásemdir náttúrunnar
í nyt! Fjölmargir þeirra, einkum unglingar, leggja allt
kapp á að þeysast áfram í bílum um sem allra flesta vegi
eða frá einum fjallaskálanum til annars með methraða,
klifrast upp á sem allra flesta fjallstinda á sem stytztum
tíma og helzt af öllu sniðganga öll ráð, sem reyndir ferða-
menn gefa þeim. Afleiðingin verður sú, að þetta fólk vill-