Menntamál - 01.03.1952, Blaðsíða 16
10
MENNTAMÁL
hverjum kennara er nauðsynlegt, ef hann á að geta gegnt
starfi sínu af samúð og skilningi.
Nemendur voru örvaðir mjög til samstarfs, en jafnframt
voru þeir hvattir til sjálfstæðrar vinnu. Var það að vísu
gert í því skyni, að persónuþroski þeirra mætti eflast, en
einnig til þess að þeir vendust sams konar viðhorfum gagn-
vart væntanlegum nemendum sínum og að þeim lærðist
að meta gildi slíks uppeldis, er þeir höfðu reynt það
sjálfir.
Árangurinn af þessu námi var kannaður með prófum,
munnlegum og skriflegum, en einkum á þann veg, að nem-
endurnir sömdu skriflegar greinargerðir um athuganir
sínar og það, sem þær höfðu leitt í ljós. Enn íremur hlýddu
kennarar á umræður nemenda um þessi efni og kynntust
með því móti starfi þeirra. — Hammarstrand bætir því
við, að hún hefði fengið að reyna, að þessir nemendur hafi
spurt vel og rækilega, þar sem hún hafi eitt sinn þurft að
svara spuringum þeirra um fyrirkomulag félagsmála í
Svíþjóð.
Uppeldisfræði.
I Chicago Teachers College var námi í uppeldisfræðum
hagað í aðalatriðum sem hér segir:
1. ár.
Þrjú námskeið voru haldin í þessum greinum fyrsta
árið. Eitt þeirra fjallaði um skólamál Chicagoborgar,
til dæmis skólaskipunina, hjálpardeildir, rannsóknir á
börnum og unglingum í þágu skólanna, skilyrði til að
hljóta kennarastöður, réttindi og skyldur kennara og
launamál þeirra, enn fremur um þau hjálpartæki, sem skól-
ar notuðu í starfi sínu, svo sem bókasöfn, útvarp og kvik-
myndir.
Hin tvö námsskeiðin fjölluðu um andlega heilsuvernd,
annað aðallega um þróun tilfinningalífsins, en hitt um
hvernig nemendurnir gætu skipulagt vinnu sína með bezt-