Menntamál - 01.03.1952, Blaðsíða 36

30
MENNTAMÁL
Kringum Guðjón Guðjónsson er loft allt blandið skyn-
semi, skilningi og hlýrri gamansemi. Það er því skiljanlegt
og fyrirgefanlegt, þótt félagar hans endurkjósi hann til
samstarfs og trúnaðar, þótt hann hafi goldið sín Torfalög
í því efni flestum betur. Á fund hans er jafnan eitthvað gott
að sækja.
Guðjón er fágætlega fjölhæfur maður og fjölmenntur
bæði til orðs og verka. Ritstörf hefur hann talsvert stund-
að. Kunnust mun kennurum kennslubók hans í landafræði.
Er hún meðal þeirra kennslubóka barnaskólanna, sem
undirritaður hefur heyrt minnst hnjóðað í. Lofsyrða um
slíkar bækur þarf enginn höfundur að vænta!
Guðjón er kvæntur Ragnheiði Jónsdóttur kennara og
rithöfundi. Eiga þau tvö uppkomin börn, Jón viðskipta-
fræðing og Sigrúnu teiknikennara.
Á sextugsafmælinu var gestkvæmt á hinu smekklega
heimili þeirra hjóna, og voru Guðjóni færðar góðar gjafir.
Á. H.