Menntamál - 01.12.1952, Blaðsíða 20

130
MENNTAMÁL
sem áunnizt hefur um bætt skilyrði til skólahalds á þessum
árum, enda má það vera Sunnlendingum og raunar þjóð-
inni allri sannarlegt fagnaðarefni.
Frá því á árinu 1941 hafa verið reist 13 ný skólahús
fyrir 19 skólahverfi. Að þessu hafa staðið 17 sveitarfélög.
Enn fremur hafa verið reist þrjú leikfimishús, og fimm
skólar hafa þar að auki fengið afnot af nýjum leikfimis-
sölum félagsheimila.
Við kennsluhúsnæði 6 annarra skóla hefur verið auk-
ið að verulegum mun með nýbyggingu. Fjórir nýir skóla-
stjórabústaðir hafa verið reistir og sjö íbúðir handa kenn-
urum.
Þá hafa miklar endurbætur verið gerðar á gömlum
skólahúsum, t. d. bætt hitunar- og lýsingarskilyrði, vatn
leitt inn, snyrtiherbergjum komið upp, veggir þéttaðir og
þiljaðir, fúaveggir rifnir og nýir settir í þeirra stað, nýir
gluggar settir í stað gamalla, dúkar lagðir og gólf löguð
á annan hátt, skólahús máluð að utan sem innan, og margt
mætti fleira telja.
En þótt miklu hafi verið áorkað í því efni að sjá börn-
um á Suðurlandi fyrir skólahúsnæði, er mikið eftir ógert.
Enn eiga 10 skólahverfi engan samastað fyrir skóla sína.
Telur námsstjórinn þess þó ekki þörf að reisa 10 ný skóla-
hús. Sex mundu duga að hans áliti. Hann telur og, að hag-
kvæmari skipan mundi hægt að koma á skólamál ýmissa
héraða með því að hætta að nota nokkur gömul skólahús
og reisa ný, sem ætluð væru stærra svæði. Að sameiningu
skólahverfa hefur verið talsvert unnið. í Árnessýslu standa
þrír hreppar saman um nýjan heimavistarskóla að Ljósa-
fossi, og um tvo heimanakstursskóla eru tveir hreppar sam-
einaðir um hvorn. Áður var það ekki fátítt, að tveir skólar
væru haldnir í einum hreppi. Þar sem þannig störfuðu
átta skólar fyrr, eru nú orðnir eftir fjórir. Bættar sam-
göngur og notkun skólabíla eiga drýgstan þátt í þessu
hagræði. f því sambandi barst talið að skólabílunum.