Menntamál - 01.12.1952, Blaðsíða 29

MENNTAMÁL
139
Bókarfregn:
Hugur og hönd.
Nýlega kom út bók með þessu nafni. Höfundur hennar
er danskur sálfræðingur, Poul Bahnsen, merkur maður,
sem veitt hefur forstöðu sáltæknistofnun Kaupmanna-
hafnar um langt skeið. Hann hefur rutt braut þar í landi
í öllum efnum, er varða rannsóknir og leiðbeiningar um
stöðuval.
Bók þessi fjallar um margvísleg vandamál vinnunnar,
getu manna til þess að nema eða temja sér störf, undir-
búning verka, leiðbeiningar, stjórn, áhrif aðbúnaðar,
þreytu, leiða, vinnugleði, sambúð manna og fjölmargt
fleira.
Bókin er einkum ætluð verkstjórnarmönnum, en hún er
girnileg til fróðleiks öllum þeim, sem skilja vilja og setja
sig inn í vandamál daglegs lífs. Á voru landi hefur þessum
málum verið veitt furðulítil athygli. Það er þó ekki einskis
vert fámennri þjóð, að skynsamlega sé farið með starfs-
orku hennar. Að þessari bók er því góður fengur, ef verk-
stjórar og aðrir, sem settir eru til leiðbeiningar nemandi
og starfandi fólki, gerðu sér það ómak að kynnast efni
hennar og hagnýta sér það.
Dr. Broddi Jóhannesson hefur þýtt bókina á íslenzku.
Er þýðing hans bæði lipurleg og f jörleg. Norðri hefur gef-
ið bókina út. Er frágangur hinn haganlegasti.
Á. H.