Menntamál - 01.03.1955, Side 22

14
MENNTAMÁL
Ný lög um kennaramenntun í Danmörku.
Á síðastliðnu ári settu Danir ný lög um menntun kenn-
ara, og eiga þau að taka gildi 1. apríl n. k. Aage Mor-
ville, skólastjóri Jonstrups Statsseminariums, segir ræki-
lega frá löggjöf þessari í Dansk pædagogisk tidskrift,
9. hefti 1954. Verður drepið hér á nokkur atriði í grein
hans. Morville bendir á, að nýju lögin brjóti vart í stór-
um greinum gegn erfðavenjum í danskri löggjöf um
menntun kennara, enda þótt ýmis nýmæli komi þar fram
og leitazt sé við að fullnægja ýmsum þörfum nútímaskip-
unar á atvinnu- og félagslífi.
Enn sem fyrr eru námsgreinir kennaraskólanna óhóf-
lega margar eða 18 talsins, svo að kennaraefni geti orðið
fær um að kenna allar námsgreinir barnaskólanna. Telur
Morville þetta vera meginveilu kennaraskólanna.
Lögin taka til þrenns konar menntunar kennara: venju-
legrar f jögurra ára menntunar, þriggja ára kennaramennt-
unar stúdenta og tveggja og hálfs árs menntunar kenn-
ara í yngri deild.
Námstími kennara í yngri deild hefur verið aukinn
um hálft ár, og hafa kennarar þessir heimild til að kenna
í fjórum yngstu bekkjum barnaskóla. Þó mun vera
nokkur munur á réttindum þeirra eftir því, hvort skólar
eru í borgum eða þorpum og sveit. Virðist þessi skipun
einkum höfð vegna sveita- og þorpaskólanna. Telur grein-
arhöfundur mjög varhugavert að gera slíkan mun á kenn-
urum, menntun þeirra réttindum og launum.
Með nýju löggjöfinni er keppt að því að veita meiri
menntun í kennarafræðum en verið hefur, en hún hefur
numið 14% á stundaskrám kennaraskólanna. Hins vegar
hefur miklum tíma verið varið til endurnáms í greinum
miðskóla.