Menntamál - 01.03.1955, Page 27

MENNTAMÁL
19
fræðslu- og uppeldissstarfs verður aldrei nema að litlu
leyti í tölum talinn né nákvæmlega veginn og metinn.
Hitt mun þó einnig valda nokkru, að starfsaðferðum og
vinnubrögðum, sem tryggt gætu sæmilegt öryggi í mati
af þessu tagi, er enn ekki beitt í þágu fræðslu- og upp-
eldismála hér á landi, nema að mjög óverulegu leyti. Á
ég hér við starfsaðferðir uppeldis- og sálarfræði svo og
hjálpargreina þeirra, einkum staðtölufræði (statistics).
Það er skoðun mín, sem þó verður ekki rökstudd hér, að
almenn fræðsla — skipulögð og kerfisbundin — geti verið
tvíeggjað vopn, ef ekki er jafnframt beitt, henni til leið-
beiningar og aðhalds, þeim tæknilegu vinnubrögðum, sem
skipulagning af þessu tagi krefst, eðli sínu samkvæmt. 1
þessu greinarkorni verður leitazt við að benda á og gera
smávegis grein fyrir, hvernig haga mætti staðtölulegri
úrvinnslu nokkurra gagna og upplýsinga um fræðslu- og
skólastarfið í landinu. Fræðslumálaskrifstofunni, fræðslu-
ráðum eða fræðslufulltrúa berast árlega frá skólunum
skýrslur um skólastarfið. Er þessum aðilum slík skýrslu-
gerð að sjálfsögðu nauðsynleg til að fylgjast með rekstri
og starfsemi skólanna almennt. Hins vegar vakir fyrir
mér, hvort ekki mætti með ýtarlegri úrvinnslu þessara
frumgagna afla nákvæmari og yfirgripsmeiri upplýsinga
um árangur skóla- og fræðslustarfsins en nú virðist gert.
Erfitt er að fullyrða að svo komnu máli, hversu mikils
virði þau gögn eru í þessu efni, sem nú berast, eða hversu
vel þau eru sniðin til úrvinnslu af þessu tagi. Líklegt
má þó telja, að fyllri upplýsingar mætti fá frá skólastjór-
um og kennurum um skólastarfið, ef þess væri óskað af
réttum aðilum, og þá með því sniði, sem hentugt þætti.
Myndi þetta varla kosta verulega fyrirhöfn af skólans
hálfu fram yfir það, sem nú er.
Einkunnir eru þau gögn, sem fyrst og fremst yrði
unnið úr. Hygg ég, að tölulegar upplýsingar um meðal-
árangur og dreifingu í einstökum námsgreinum myndu