Menntamál - 01.03.1955, Blaðsíða 48

40
MENNTAMÁL
ALBERT JÓHANNSSON:
Formskrift.
I tímaritum kennarasamtakanna hefur að undanförnu
örlítið verið drepið á sérstaka skriftaraðferð, sem mjög
hefur rutt sér til rúms í Noregi og Danmörku síðast-
liðin 2—3 ár og nefnd hefur verið .formskrift. Þar sem
áhugi virðist vakinn fyrir skrift þessari, þykir mér rétt
að kynna hana ofurlítið starfsbræðrum mínum og skýra
frá þeirri reynslu, sem ég hef fengið við kennslu hennar.
Magnús Gíslason, þá skólastjóri héraðsskólans að Skóg-
um, ákvað haustið 1953, að skrift skyldi kennd eina stund í
viku í fyrsta bekk skólans. Ég hafði numið formskrift
á námskeiði, sem frk. Kjerstine Nielsen hélt við Kennara-
háskóla Danmerkur veturinn 1952—1953. Það varð því að
samkomulagi, að ég tæki að mér kennsluna og gerði til-
raun með formskrift.
Það mun álit margra kennara, að skrift og frágangi
nemenda í 1. bekk gagnfræðaskólanna sé í mörgu áfátt.
Veldur þar ýmislegt, en einn þátturinn er án efa sá, að
skrift mun almennt lítið kennd eftir að barnaprófi er
lokið, sem nú er einu ári fyrr en áður var, meðan gömlu
fræðslulögin voru í gildi.
Gefin er einkunn fyrir ritleikni við miðskólapróf. Það
er að mínum dómi athugandi, hvort allir héraðs- og gagn-
fræðaskólar eigi ekki að taka skrift á námsskrá sína,
fram yfir það, sem nú er.
Höfundur formskriftarinnar er norsk kona, Alvhild
Bjerkenes að nafni. Mun hún að nokkru hafa sótt fyrir-
mynd sína í handrit miðaldanna. Einnig gætir þar nokkuð
enskra áhrifa. Segja má, að aðaltakmark höfundarins sé
að gera skriftina eins einfalda og auðið er og minnka