Menntamál - 01.04.1959, Blaðsíða 88

82
MENNTAMÁL
um við Vonarstræti nema tvo daga í Gagnfræðaskóla Aust-
urbæjar. Var að sjálfsögðu allmikill átroðningur og óþæg-
indi að þessu fyrir viðkomandi skóla, og vil ég þakka skóla-
stjórunum Ástráði Sigursteindórssyni og Sveinbirni Sig-
urjónssyni, vinsemd þeirra og lipurð.
Kostnaður við námskeiðið varð rúmlega 12000 kr., að-
allega af dvöl Norðmannanna hér. Engir fyrirlestrar voru
greiddir. Útgjöld þessi voru greidd með styrkjum frá
Reykjavíkurbæ og ríkissjóði.
Aðsókn að námskeiðinu var góð, þegar tekið er tillit til
þess, að þetta var oftast kvöldnámskeið, sem kennarar
sóttu að afloknum starfsdegi. Samtals sóttu námskeiðið
651 eða tæplega 40 til jafnaðar. Mest var aðsókn að sjálf-
sögðu þá daga, sem gefið var leyfi frá kennslu. Fyrri hluti
námskeiðsins í tungumálum og sögu var lítið eitt betur
sóttur en síðari hlutinn. 17 sóttu jöfnum höndum fyrri og
síðari hluta námskeiðsins, en annars má segja að þátttak-
endur skiptist eftir námsgreinum. Sumir þátttakendur
komu langt að.
I eftirfarandi skrá eru þeir, sem sótt hafa 6 sinnum eða
meir, taldir hafa mætt reglulega (sótt 6 af 8 fyrirlestr-
um), og eru það alls 39. Þeir skiptast þannig á skóla.
Frá Laugarnesskóla 7, frá Gagnfræðaskóla Austur-
bæjar 6, frá Lindargötuskóla 5, frá Vonarstrætisskóla 5,
frá Hagaskóla 4, frá Réttarholtsskóla 3, frá Miðbæjarskóla
2, frá Langholtsskóla 2, frá Verknámsskóla 2, frá Flens-
borgarskóla 1, frá Kvennaskólanum 1.
Þegar ég renni augunum yfir nöfn þeirra manna, sem
sóttu námskeiðið reglulega, þá virðist mér ljóst, að þeirra
á meðal séu flestir okkar beztu og áhugasömustu kennarar,
sem ná beztum árangri í starfi. Virðist því mega hafa hlið-
sjón af því, hverjir sækja námskeið og einnig reyna á ann-
an hátt að bæta menntun sína og hæfni, þegar kennurum
eru falin trúnaðarstörf eða skipa skal skólastjóra.
Margir skólastjórar sóttu námskeiðið, hvort sem sér-