Menntamál - 01.04.1960, Blaðsíða 79

MENNTAMÁL
65
stjórnskipuðu nefndar allmikið í þessum meðförum. Gekk
menntamálaráðuneytið endanlega frá frv. um vísindasjóð.
Var það flutt á Alþingi 16. maí 1957 og varð að lögum 5.
júní 1957, og menntamálaráðuneytið setti sjóðnum reglu-
gerð 28. febrúar 1958.1)
Ekki var fulltrúi samtakanna í nefndinni frá 24. marz
1956 að öllu leyti samþykkur frumvarpinu um vísinda-
sjóð, eins og það var lagt fram á Alþingi, t. d. benti hann á
það á fundi samtakanna 23. maí 1957, að óvarlegt væri að
ákveða lágmarkstekjur sjóðsins 800.00.00 krónur, því að
fyrirsjáanlegt væri, að verðgildi peninga myndi enn halda
áfram að rýrna, og hafa þau orð rætzt áþreifanlega. Þá
var hann og andvígur m. a. því ákvæði stjórnarfrv., að Al-
þingi skyldi kjósa stjórn sjóðsins.
í orðum þessum hef ég einskorðað mig við nokkur at-
riði, umræður, tillögur, ályktanir og aðgerðir, sem bein-
línis leiddi af fundarboði Egils Hallgrímssonar 15. apríl
1955 og höfðu nokkur áhrif á upphaf Vísindasjóðs íslands.
Ennfremur hef ég leyft mér að spyrja Egil, hvort hann
telji, að hugmynd sú, er hann skýrði mér frá 1. desember
1954, sé orðin að veruleika.
Ekki að öllu leyti, segir Egill. Eg hef ávallt álitið, að
sjóðurinn ætti að vera stofnun — sjálfseignarstofnun —
sem óháðust ríkisvaldinu og hugsanlegum stjórnmálaátök-
um. Ég hafði líka gert mér vonir um, að félag yrði stofnað
um sjóðinn, og voru og eru ýmsir mætir menn sama sinnis.
Einnig tel ég tekjur sjóðsins langt frá því að vera nógu
miklar og fjarri fara, að þær séu nógu tryggar.
Ekki þarf heldur að rökstyðja það, að sjálfstæði og
menning þjóða er nú og verður í framtíðinni undir vís-
indastarfseminni komin, og því tel ég eðlilegt og sjálf-
sagt, að skattlögð sé sérstaklega öll munaðarvara og happ-
drætti í landinu og leggist sá skattur til Vísindasjóðs.
1) Alþ.tíð. 1956, A, þskj. 515.