Menntamál - 01.08.1967, Síða 26
120
MENNTAMÁL
dóttir Rasmus frá Reykhólum var í Kaupmannahöfn til að
kynna sér kennslu heyrnardaufra árið 1899 og er sama ár
settur kennari við skólann á Stóra-Hrauni. Árið 1909 er
svo skólinn fluttur til Reykjavíkur, og tók frú Margrét þá
við forstöðu hans og gegndi því starfi til ársins 1944.
Þróun liennsluaðferða.
Frá því kennsla af þessu tagi byrjaði hér á landi munu
kennsluaðferðir lítið liafa breytzt lengi vel. Kennslan fór öll
fram á fingra- og bendingamáli, að öllum líkindum óbreyttu
frá því sem dr. Castberg lærði það í Le Epée skólanum í
Frakklandi og minnzt hefur verið á ltér að framan. En svo
var tekin upp alveg ný kennsluaðferð árið 1922.
Þá var skólastjóri í Fredericia í Danmörku dr. Georg
Forchhammer. Hann bjó til nýtt kennslukerfi, sem hann
kallaði Mund-haand system. Nemendunum er þá kennt að
tala, en um leið er þeim kennt að gera merki með fingrun-
um fyrir þau hljóð málsins, sem erfiðast er að lesa af vörum,
og verður sá, senr talar við nemendurna, einnig að gera þessi
rnerki. Árið 1922 fór frú Margrét Rasmus námsferð til Dan-
merkur og lærði áðurnefnt kennslukerfi. Dr. Forchhammer
aðstoðaði hana við að laga það eftir íslenzku nráli, og var það
síðan notað í skólanum hér í Reykjavík til ársins 1944, en
þá var hætt við þessa kennsluaðferð og nemendunum kennt
að tala án allra bendinga, að svo miklu leyti sem það er
mögulegt, og heyrnarleifar barnanna notaðar með hjálp
heyrnartækja eins mikið og hægt er.
Orsakir heyrnardeyfu.
Ég mun þá ekki hafa þetta yfirlit yfir sögu þessarar
kennslu lengra, en fara nokkrum orðum um það, sem oft-
ast veldur heyrnardeyfu.
Orsökum heyrnardeyfu er oft skipt í tvo aðalflokka: Það,
sem veldur meðfæddri heyrnardeyfu, og það, sem orsakar
hana eftir fæðingu, sem er venjulega slys eða sjúkdómar, en