Menntamál - 01.08.1967, Qupperneq 58

152
MENNTAMÁL
þar viðbótarorð, sem setja má í stað undirstrikuðu orðanna
á töflunni. í staðinn fyrir tonight má setja „this afternoon",
„this evening“, „after lunch", „after tea“. í staðinn fyrir
going to the pictures má setja „going to the theatre (opera,
concert, cinema, party)“, „playing bridge (cards, bingo)“,
„having lunch (dinner, supper, a rest) with Tom/Jane“.
Kennarinn les þessi viðbótar- eða innskotsorð og útskýrir
merkingu þeirra og bætir við öðrum útskýringum eða end-
urtekningum eftir þörfum. Því næst hefst að nýju samtal
kennara og nemenda í heild, en með þeim breytingum, að
undirstrikuðu orðin í samtalinu eru látin víkja fyrir ein-
hverjum viðbótarorðanna, t. d.:
K: Are you busy this evening?
N: Are you busy this evening?
K: What are you doing?
N: What are you doing?
K: I’m going to the theatre.
N: I'm going to the theatre, o. s. frv., o. s. frv.
Samtalsæfingar þessar, sem allir nemendurnir taka þátt
í samtímis, og sem eru eins konar inngangur að samtölum
milli einstakra nemenda, hafa mikið gildi. Annars vegar
festa þau í minni hið nýja s^tningarform (í þessu tilviki
„present continuous" í framtíðarmerkingu) og einstök orð
í tengslum við heilar setningar, hins vegar venja þær nem-
endur við að tala á hinu nýja máli, hvetja þá til virkrar
þátttöku og leitast við að eyða sálrænum hömlum, sem mjög
oft standa í vegi fyrir slíkri þátttöku.
Nauðsynlegt er, að hin sameiginlega endurtekning sé með
réttum framburði og hreimi. Kennarinn leiðir endurtekn-
ingarnar, sem ættu ekki að vera mjög háværar, svo að hann
geti greint hvern „falskan tón“ líkt og stjórnandi hjá hljóm-
sveit, leiðrétt þegar í stað og þannig komið í veg fyrir, að
rangar málvenjur myndist.
Þegar kennarinn er sannfærður um, að nemendurnir hafi
skilið innihald samtalsins til hlítar, hefjast samtöl milli