Menntamál - 01.08.1967, Side 92
186
MENNTAMÁL
starfsliði, að hann geti annað því vandasama, fjölþætta og
umfangsmikla hlutverki, sem honum er falið.
V.
14. uppeldismálaþing S.Í.B. og L.S.F.K. fagnar stofnun
íslenzkrar sjónvarpsstöðvar og álítur, að starfsemi hennar
geti orðið íslenzkri menningu og þjóðerni til mikilla heilla,
ef rétt er á haldið.
Þingið telur höfuðnauðsyn, að fjölmiðlunartæki slíkt sem
sjónvarpið er, verði liið fyrsta virkjað svo sem verða má, til
stuðnings íslenzkri skólastarfsemi.
Þingið telur, að gott starf hafi þegar verið unnið á veg-
um sjónvarpsins við flutning skipulegs dagskrárefnis fyrir
börn og unglinga í þættinum Stundin okkar. Þingið leggur
áherzlu á, að eftirleiðis sem hingað til starfi að gerð slíkra
þátta starfsmenn, er sérþekkingu hafa á málum æskufólks,
bæði hvað fræðslu og félagsleg málefni snertir.
Þingið hvetur eindregið til þess, að aukin verði og efld
innlend dagskrárgerð hins íslenzka sjónvarps, þar sem þjóð-
leg menningarhefð verði í fullum heiðri höfð.
14. uppeldismálaþing S.I.B. og L.S.F.K. fagnar þeirri
lausn sjónvarpsmáls Keflavíkurstöðvarinnar, sem boðuð hef-
ur verið.
Allar tillögurnar voru samþykktar í einu hljóði.