Vorið - 01.03.1966, Blaðsíða 22
menn voru píndir. Þegar við komum
þangað leið mér ekki vel að horfa upp
á þetta. Þangað niður fara aðeins þeir,
sem eru góðir á taugum.
Síðan var farið heim á hótel, en um
kvöldið fórum við ásamt Páli Heiðari á
ljómandi fallegan veitingastað. Okkur
var borinn dýrindis matur sem við gerð-
um góð skil. A palli í miðjum salnum
var hawaiisk hljómsveit sem lék róman-
tísk lög frá Suður-Kyrrahafseyjunum.
Þessi staður var eftirlíking af strönd eyj-
ar í Suður-Kyrrahafinu, með kóral-
rifjum, útskornum guðamyndum og
flestu því sem maður les um eða sér í
kvikmyndum frá Hawai. Þegar við fór-
um út, skoðuðum við marglita fiska í
búrum, sem komið var fyrir í anddyr-
inu, en það var eftirlíking af gríðarlega
stórum sjávarhelli. Og seint um kvöldið
var farið heim á hótel og sofið vært til
morguns.
Snemma morguninn eftir fórum v.ið
á fætur, en er við komum niður í veit-
ingasalinn, þar sem við vorum vanir að
borða, var allt morandi í fólki, svo við
komumst ekki að. Borðuðum við þá
annars staðar. Fram að hádegi var ark-
að úr einni búðinni í aðra og verzlað
m.ikið, en þá fórum við á skrifstofu
Flugfélagsins og kvöddum Pál Heiðar.
Síðan var haldið til Jóhanns Sigurðs-
sonar, en hann var á skrifstofu sinni.
Sýndi hann okkur myndir, sem ljós-
myndari hafði tekið af okkur við kom-
una til Lundúna. Jóhann fór með okkur
á danskan veitingastað og þar borðuð-
um við okkar seinustu máltíð í London.
Klukkan var orðin hálf þrjú er við stóð-
um upp frá borðum og gátum við aðeins
farið í eina verzlun áður en við brun-
uðum út á Lundúnaflugvöll, því flug-
vélin til Islands átti að hefja sig á loft
kl. 4. Flugvélin sem við flugum með var
„Skýfaxi“, og brátt hóf hún sig á loft
og London hvarf sjónum okkar. Það var
leiðinlegt að skilja svona fljótt við þessa
skemmtilegu borg, þar sem ég hafði upp-
lifað ynd.islegustu stundir í lífi mínu.
Alla leið til ættjarðarinnar flugum við
ofan skýja, og vissum eigi fyrr en Ský-
faxi lenti lieilu og höldnu á Reykjavíkur-
flugvelli.
í flugafgreiðslunni kvaddi ég ferða-
félaga mína og þakkaði þeim fyrir ynd-
islega ferð. Flugfélag.i Islands og Vor-
inu færi ég mínar beztu þakkir.
Hjálmar Haraldsson.
J SVÖR VIÐ VERÐLAUNAGETRAUN 7
\ í 3. HEFTI S
\ 1. Hann er afmælisdagur Jóns Sig- 1
i urðssonar. I
i 2. 21. júní. I
/ 3. Miðnætti. ?
7 4. Einn sólarhring. 7
1 5. Við hreyfingu mónans umhverfis 1
I jörðu. 1
L Verðlaunin hlaut Guðbjörg Hjalta- i
/ dóttir, Viðiholti, Skagafirði og var það 1
1 bókin Sögur Jesú. 7
J SVÖR VIÐ VERÐLAUNAGETRAUN J
J í 4. HEFTI \
1 1. Einn mónuð. I
| 2. Klukkan 6. 1
7 3. Með 1. sunnudegi i jólaföstu. 7
7 4. 21. desember. 7
1 5. Þorri var tileinkaður bændunum 7
1 en Góa konunum. j
i Verðlounin hlaut Jón Guðmunds- i
i son, Grundarstig 8, Floteyri og var í
7 þcð bókin Sandhóla-Pétur II bindi. I
18 VORIÐ