Vorið - 01.03.1966, Blaðsíða 50

inn í blóðið og veldur þar sínum áhrif-
um. Það getur meira að segja komizt í
gegnum heilt hörund, eins og margir
tóbakssmyglarar hafa fengið að reyna,
sem hafa borið bagga af tóbaksblöðum
á beru baki. Þeir hafa fengið hættulegar
tóbakseitranir og jafnvel dáið af því.
Nikotín lamar þann hluta taugakerfis-
ins, sem stjórnar innri líffærum, þeim,
sem ekki eru undir stjórn viljans. Má
þar til nefna hjarta, maga, þarma, lungu
o. fl.
Lítill skammtur af nikotini nægir til
að lama hjartað skyndilega og valda
þannig dauða. Maður, sem hellti eitt
sinn úr tóbaksdósum sínum út í glas og
Eftir fyrstu sígarettuna.
drakk síðan, hné dauður niður á auga-
bragði.
FYRSTU ÁHRIFIN
Sá, sem neytir tóbaks í fyrsta skipti,
finnur greinilega til eituráhrifanna, og
skiptir þá ekki miklu máli, hvort hann
reykir sígarettu eða tekur hressilega í
nefið. Það er við búið, að honum verði
þá óglatt, og hann getur jafnvel fengið
uppköst.
Hann náfölnar, svitnar og fær mikið
munnvatnsrennsli. En það er hægt að
venjast tóbakinu eins og öðrum eitur-
lyfjum, og þola þá mörgum sinnum
meira. En það setn verra er: Menn lang-
ar alltaf í meira.
N.ikotin hefur þau áhrif, að það hækk-
ar blóðþrýsting. Þessi hækkun stafar af
því, að það lamar taugar og vöðva, sem
eiga að víkka út smæstu slagæðarnar,
svo að þær herpast saman. Þetta veldur
því, að blóðið á erfiðara með að kom-
ast leiðar sinnar, og mótstaða sú, sem
fyrir því verður, leiðir lil þess, að blóð-
þrýstingurinn hækkar. Þetta veldur aft-
ur vissri tegund af vellíðan, einkum þó
það, að eiturþörfinni er fullnægt í b.ili.
En áhrifin standa ekki lengi, og áður
en varir gerir eiturþörfin aftur vart við
sig hjá öllum þeim, sem eru orðnir háðir
nautninni.
ÁHRIF TÓBAKS Á HJARTAÐ
Nikotin hefur mjög skaðleg áhrif á
æðar hjartans. Þeirra áhrifa verður
mest vart hjá mönnum, er reykja sígar-
ettur eða vindla. Hinar svonefndu krans-
æðar hjartans, sem þurfa jafnt og stöð-
ugt að flytja hjartanu súrefnisríkt blóð,
46 VORIÐ