Bjarmi - 01.08.1927, Blaðsíða 15

B J A R M I
171
presta og söfnuði er þröngvað barna-
lærdómsbók, sem vitanlega er að
mjög verulegu leyti, i gersamlegu ó-
samræmi við skoðanir biskups sjálfs,
en elur og magnar ýmsar þær hug-
myndir, sem allir menn með nútíðar-
hugsunarhætti telja úreltar. í)etta er
lítið sýnishorn af því, hvernig vor
ísl. þjóð er nú skift í þessum efnum.
Fróðleikurinn, sem út yfir hana var
veilt, er að gleymast«. — —
Hvað ætli Kvaran hefði sagt, ef
hann hefði heyrt mikilsvirtan vin
sinn vitna i Helga-kver með lotningu
á siðustu prestastefnu? — Annars má
minna á, að »nútíðar-hugsunarháttur«
er ekkert annað en glamuryrði i þessu
sambandi. Margir, og þar á meðal
skynsemistrúarmenn á 18. öld, hafa
áður notað það um einn og annan
»hugsunarhátt«, sem verið var að
auglýsa, en reyndist skaðvænn. Sje
það rjett, sem E. H. Kvaran óltast,
en jeg treysti, að biblíustefnu sje
óðum að aukast fylgi vor á meðal,
þá er það einkum af því, að hún
fullnægir betur trúarþörf fólks en
hinar stefnurnar, sem valdið hafa
mörgum vonbrigðum.
Sundar Singh fær aðfinningar hjá
Kvaran fyrir að tala óvirðulega um
spíritisma i bók sinni »Livet efter
Döden«. Er best að hann svari því
sjálfur, því að væntanlega sendir
Iívaran honum »Morgun« til leið-
beiningar.
Eitt undrunarefni Kvaran’s er, að
andstæðingar spírilisma skuli hæla
þessari bók Sundar Singh’s. Þar get
jeg sagt mína ástæðu og sennilega
fleiri rnanna:
Hjálpræði Jesú Krists, i biblíuleg-
um skilningi, hverfur oftast hjá spiri-
tistum, en hjá Sundar Singh er það
þungamiðja allrar sælu þessa heims
og annars. — Væntanlega skilst flest-
um, að í augum kristinna manna
veldur það afarmiklu, þegar dæmt er
um frjeltir úr öðrum heimi.
Sadhu Sundar Singh
sendir kveðju til íslands.
4. apríl s. 1. skrifaði ritstj. Bjarma
til Sundar Singh’s og bað um leyfl
til að gefa einhverjar bækur hans út
á íslensku. Svar haus, dags. 18. maí,
kom 14. júní. Veitir hann fúslega
þýðinga- og útgáfu-leyflð með þvi
skilyrði, að ágóðanum sje varið lil
að efla »the Lords work in your
country« (starf Drottins í landi yðar).
Ennfremur skrifar hann meðal annars:
»Jeg var á leið minni til Tíbet, en
veiktist snögglega, svo jeg varð að
snúa við. Guðs vilji verði . . . Gjör
svo vel að flytja kristnar kveðjur
mínar til allra kristinna vina á ís-
landi. »Að fórna og verða fórnað,
það er vegurinn, sem Meistarinn
gekk«. Post. 20, 24. (»En jeg met
lífið einskisviröi fyrir sjálfan mig, ef
jeg bara má enda skeið mitt og
þjónustuna, er jeg tók við af Drottni
Jesú, að vitna um fagnaðarerindið
um Guðs náð«).
Guðs blessun sje með yður og
góðu starfi yðar fyrir Meistarann.
Með vinsamlegri kristinni kveðju.
Yðar í Hans fagnaðarriku þjónustu
fSadhuJ Sundar Singh.
Prestafundur Múlsýslinga átti að
vera um miðjan júlí, en engar fregnir eru
þaðan komnar þegar þetta blað er prentað.
V e g n a væntanlegra ferðalaga ritstjór-
ans er þetta blað prentað 8. júlí. —
September-blöðin koma ekki fyr en síð-
ast i ágúst.