Bjarmi - 07.10.1928, Side 1
BJARMI
= KRISTILEGT HEIMILISBLAÐ =
XXII. árg. Reykjavíb, 7. okt. 1928. 26. tbl.
»Drottinn er góöur, athvarf á degi neyðarinnar, og hann pekkir þá sem treysta honum«. (Nahum 1., 7).
Andleg starfsemi kvenna.
Eftir Guðrúnu Lárusdóttur.
Framh.
Fróðlegt gæti það verið, að líta um
öxl og skygnast aftur í liðinn tíma,
til þess að athuga upphaf K. F. U. K.
á Englandi, þar sem vagga fjelagsins
stóð.
Um 1850 áttu kaupmannshjón
nokkur heima í þorpi einu litlu á
Englandi, sem Barnett nefndist. t*au
áttu 5 dætur, ein þeirra hjet Emma
Roberts. Systurnar fengu gott upp-
eldi og nutu þeirrar mentunar, sem
þá tíðkaðist. Skólaganga var þá sjald-
gæf fyrir stúlkur, þær urðu að láta
sjer lynda þá tilsögn, sem heimilið
gat veitt þeim, og var þá annaðhvort
tekinn heimiliskennari eða faðir þeirra
kendi þeim sjálfur hinar algengu
námsgreinar, þar að auki lærðu þær
teiknun og hljóðfæraslátt, væru þær
sönghneigðar. Móðir þeirra sagði
þeim til í handavinnu og ýmiskonar
hannyrðum. Þá var allur fatnaður
saumaður í heimahúsum, saumavjel-
ar sjaldgæfar og aðkeypt föt þektust
varla. Var því hver og einn að búa
að sínu, og kouunum reið á að geta
sjálfar saumað fatnað heimamanna,
urðu stúlkur því að læra vel til
sauma.
t>á voru hjúkrunarstörf, sem stúlk-
um var næsta nauðsynlegt að leggja
talsvert stund á, þar eö sjúkrahús
voru á þeim árum all fágæt og frem-
ur ófullkomin, og sjúklingar urðu
að njóta bjúkrunar, sem heimilin
gátu látið þeim í tje, þess vegna
varð það oft hlutverk heimasætunnar
að sinna sjúklingunum.
Heimur ungu stúlkunnar var því
sem oftast innan fjögurra veggja
lieimilisins, þar dvaldi hún og vann
að heimilisstörfunum, og beið þar
þeirrar stundar að hún giftist, og
eignaðist þá sjálf sitt eigið heimili,
þar sem henni kæmi að notum
mentun sú og þekking, sem henni
hafði hlotnast.
En Emma Roberts, og systur
hennar, undu ekki kyrsetu fábreyti-
legs og fremur aðgerðalítils heimilis-
lífs. Þeim nægði ekki eingöngu þau
störf, sem stofur, búr og eldhús
kröfðust af þeim, þær þráðu æðri
störf og annars eðlis. Þær fóru því
að líta inn til fátækra sjúklinga, til
þess að rjetta þeim hjúkrandi hjálpar-
hönd, og þær stofnuðu skóla fyrir
lítil börn, vitjuðu aldraðra einstak-
linga, sem fáa áttu að, o. s. f|-v.
Einkum fann Emma Roberts þá
sterka hvöt hjá sjer til þess að starfa
eitthvað fyrir ungar stúlkur, hún
hafði sjeð að þær áttu margar við
mjög bág kjör að búa; áttu lítinn
kost á að afla sjer þekkingar i al-
gengustu fræðum og gengu margs á
mis. Emmu Roberts langaði mjög
mikið til þess að ráða einhverja bót
á þessu, en sjerstaklega þráði hún