Bjarmi

Árgangur

Bjarmi - 16.06.1958, Blaðsíða 1

Bjarmi - 16.06.1958, Blaðsíða 1
7. Reykjavík, 16. júní 1958 52. árg. Síra Friðrik Friðriksson með Guðbrandsbiblíuna, sem Biblíu- félagið gaf honum á níræðisaf- mælinu. (Myndina tók Vigfús Auðunsson). Öllum lesendum „Bjarma" mun kunnugt, að stofnandi K.F.U.M. og K. hér á landi, Friðrik Friðriksson, varð níræður á hvitasunnudag, 25. maí síðastliðinn. Það er alger ó- þarfi að kynna hann fyrir lesend- um þessa blaðs, þvi að þeir eru flestir í hópi þeirra, sem beint og óbeint hafa orðið fyrir áhrifum af starfi hans. Ævisaga síra Friðriks er á margan hátt einstök og óvenju viðburðarík, svo sem glöggt má sjá af þeim þáttum hennar, sem hann hefir skráð bæði á ís- lenzku og dönsku. Þá voru og ýmis meginatriði, sem ævi hans og starf snerta, rifjuð upp i helztu dagblöðum höfuðborgar- innar og í ríkisútvarpinu, svo að óþarft ætti að vera að skrifa hér nokkra afmælisgrein í þeim stíl. Hitt er annað mál, að i þessu blaði er ekki annað unnt en að þakka í tilefni þessa afmælis. Þökkin beinist þá fyrst til Drott- ins fyrir það, sem hann hefir veitt miklum fjölda hér á landi fyrir líf og starf séra Friðriks. Um hann má vissulega segja eins og heilagt orð segir um annan vott Drottins: „Maður kom fram sendur af Guði Víræðisafmæli — — þessi maður kom til vitnis- burðar, til þess að vitna um ljósið." Séra Friðrik var vissulega sendur af Guði til þjóðar sinnar. Sjálfur segir hann frá því i æviminning- um sínum, hve hann „gekk nauð- ugur til þessa leiks", ef svo má segja um það, er hann hvarf frá blómlegu æskuK'ðsstarf i og f élags- lífi i Kaupmannahöf n og hélt hing- að heim. En fyrir það, að hann hlýddi kallinu hefir margt orðið öðruvísi í kirkju- og kristnilífi þessarar þjóðar en ella hefði orðið. Sjálfur starfaði hann áraíugum saman með brennandi áhuga og i þeim félagsskap, sem hann stofn- aði, hefir um langt skeið verið sá hópur, sem af hvað mestum áhuga og fórnfýsi hefir starfað að auknu trúarlífi innan lútherskrar kristni þessa lands, og á enga ósk heitari en þá, að mega halda áfram með það starf og boðskap, sem verið hefir hans meginatriði. Sira Friðrik hefir áunnið sér kærleika og aðdáun landa sinna. Hefir það margoft komið i ljós og þá ekki sízt á stórafmælum í lífi hans. Það sást einnig nú. Á afmælisdaginn kom mikill fjöldi gesta til hans. Höfðu K.F.U.M. og K. „opið hús" frá kl. 3—5 e. h. Var samkomu- salur félaganna „móttökusalur" og látlausum straumi gesta bornar þar veitingar. Meðal gesta, er heim- sóttu hann, voru forseti Islands, forsætisráðherra, menntamálaráð- hérra, biskup o. fl. o. fl. Ýmsar gjafir voru honum færðar eða hon- um tilkynnt, á hvern hátt afmælis hans væri minnzt með gjöfum. Stjórn K.F.U.M. og K. gáfu kr. 10,000,00 til Bibliufélagsins Gideon til kaupa á Nj'ja testamentum handa tólf ára börnum hér á landi. Stjórn sumarstarfs K.F.U.M. til- kynnti, að ákveðið hefði verið að reisa brjóstlíkan af honum i Lind- arrjóðri í Vatnaskógi. Er það gjört af Ríkarði Jónssyni. Stjórn knatt- spyrnufélagsins „Vals" tilkynnti, að ákveðið hefði verið, að reisa líkneskju af honum á íþróttasvæði „Vals" að Hlíðarenda í Reykjavík. Heimsótti stór hópur Valsmanna hann og hylltu hann. sira Um kvöldið kl. 8.30 var hátíðar- samkoma í samkomusal K.F.U.M. og K. Var þar fúllsetið hús og vel það. Guðlaugur Þorláksson stjórn- aði samkomunni, sem varaf ormað- ur K.F.U.M. Sigurbjörn Þorkels- son byrjaði með bæn. Formaður K.F.U.M., séra Bjarni Jónsson, vígslubiskup, hélt því næst hátíð- arræðu, sem túlkaði vel hug nán- ustu vina og samstarfsmanna séra Friðriks. Blandaður kór „Fóst- bræðra" kom í heimsókn á sam- komuna og söng nokkur lög. Bisk- upinn, Herra Ásmundur Guð- mundsson, tók þvi næst til máls og ávarpaði síra Friðrik fyrir hönd stjórnar Biblíufélagsins, en sjö meðlimir hennar voru staddir á samkomunni. Tilkynnti biskup, að Biblíufélagsstjórnin hefði kjörið síra Friðrik heiðursfélaga Biblíu- félagsins og afhenti honum ljós- prentað eintak Guðbrandarbibliu. Sira Friðrik þakkaði heiður þann, er honum hefði verið sýndur, svo og gjöfina, en hann hafði lengi dreymt um að eignast þessa bók — og fagnaði þvi að hafa hana nú i höndum, þótt hann væri orð- inn blindur og gæti ekki lesið hana. Dr. Gylfi Þ. Gíslason, mennta- málaráðherra, f lutti því næst stutta ræðu til síra Friðriks, sem verið hafði skólabróðir föður ráðherr- ans og náinn heimilisvinur alla tið. Flutti hann síra Friðrik þakkir bæði fyrir vináttu, uppfræðslu, einka-kynni og svo fyrir það starf, er hann hefði unnið fyrir islenzku þjóðina. Síra Friðrik var síðastur ræðu- manna. Rifjaði hann i stórum dráttum upp handleiðslu Drottins i lifi sínu. Allt væri frá honum og því bæri honum öll dýrð. Lauk hann máli sinu með bæn og drott- inlegri blessun. Að loknu máli síra Friðriks söng Kristinn Hallsson, óperusöngvari, Lofsöng eftir Beethoven. Var það hátíðlegur lokaþáttur þessarar fagnaðarsamkomu. Þakkaði stjórnandinn því næst öllum fyrir góða samveru, svo og öllum, sem stuðlað hefðu að því, að dagurinn varð jafn hátíðlegur og raun varð á. Var svo að endingu sungið „Son Guðs ertu með sanni". Síra Friðrik var kátur og hress og undi við það fram eftir nóttu, að hlýða á þann fjölda. skeyta og afmæliskveðj a, sem honum höfðu borizt, en þær skiptu hundruðum. Nýjasta Ijóð síra Friðriks Þú, Drottinn Kristur, Guð minn, mér gefðu slíka trú, að geti ég skynjað ráðstöfun þíns vilja, að dag hvern fái eg ratað þá réttu himinbrú og ráð þitt mér til frelsis lært að skilja. Þú, faðir vor og Guð minn, mér gef þú slíka von, sem gulli bryddi sólarlags míns strauma, og þegar eygló hverfur, að sjái ég þinn son mér signa krossi mína andláts drauma. Guð, heilagur andi, sem andar frá þeim tveim, og orð Guðs fyllir sönnum kærleiksmætti, ó, laða þú minn anda, að hann langi til þín heim unz lýkur ævi minnar síðsta þætti. Guð, heilaga þrenning, þú alheims Ijós og líf, i leiftrum. aðeins þína dýrð vér greinum. Ö, vert' oss sól og skjöldur, í skúrum lífsins hlíf, vort skjól og trdust og líkn er hjá þér einum. — Ort á uppstigningardag 1958. — F rið rik Friðriksson.

x

Bjarmi

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Bjarmi
https://timarit.is/publication/379

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.