Bjarmi

Árgangur

Bjarmi - 01.11.1958, Blaðsíða 1

Bjarmi - 01.11.1958, Blaðsíða 1
13.—14. tbl. Reykjavík, nóvember 1958 52. arg. Þegar söfnuðirnir hér í Noregi koma saman til guðsþjónustu, þá hafa þeir langa og margþætta kirkjubæn að lokinni ræðunni. Eitt af því, sem þá er beðið um, er, að Guð gefi kirkju sinni þjóna, sem bæði boða rétt og breyta vel. Þessa bæn biður söf nuðurinn sarn- eiginlega i hverri guðsþjónustu, og hefur svo lengi verið. Þetta hefur ekki einungis verið varabæn, því að söfnuðirnir bafa sýnt það í verki, að þeir eru fúsir til að gera sitt til þess, að Guð geti bænheyrt þá. Um síðustu aldamót náði ný- guðfræðin eða „frjálslynda" guð- fræðin sterkari tökum við báskól- ann i Osló. Tóku þá margir að verða uggandi um að prestarnir myndu vikja af grundvelli kirkj- unnar og fara að boða annarlegar kenningar. Miklar deilur stóðu um játningar kirkjunnar og margar höf uðkenningar hennar, sem söf n- uðirnir byggja trú sína á. Brátt dró til tíðinda í þessum deilum, er prófessorsembætti losnaði við guðfræðideildina. Dráttur varð á að veita embættið, en að lokum samþykkti meirihluti ríkisstjórn- arinnar að veita nýguðfræðingi það, þrátt fyrir mótmæli kirkju- málaráðherra og margra annarra. Þetta varð til þess, að bæði kirkju- málaráðherra og einn prófessor- inn við guðfræðideildina sögðu af sér embættum, í mótmælaskyni. Prófessor þessi hét Sigurd Odland og var þá talinn einn lærðasti guð- fræðingur á Norðurlöndum. Dr. Odland tók nú að vinna að þvi, að söfnuðirnir stofnuðu sjálf- ir háskóla til að mennta presta sína á grundvelli Guðs orðs og játninga evangelisk-lúthersku kirkjunnar. Hann ferðaðist um landið og ræddi þessa hugmynd við söfn- uðina. Þetta varð til þess, að Safnaðar- háskólinn (Det teologiske Menig- hetsfakultet, skammstafað M.F.) var stofnaður og tók til starfa haustið 1908. Litið um öxl. Nú hefur M.F. starfað í 50 ár og þá er hægt að lita yfir farinn veg. Það var ekki stórfengleg byrj- un. Aðeins 8 stúdentar og 3 kenn— arar, þar á meðal prófessor Od- land, hófu starfið við ófullnægj- andi skilyrði. Starfið byrjaði » Safnaðarprestaskólinn í Osló. Fimmtugur prestaskóli smátt, en í vondjarfri trú og það er með nokkurri hreykni, að vinir M.F. lita yfir hinn sýnilega ár- angur. Frá upphafi hafa útskrifazt 1200 guðfræðingar frá skólanum, og er það um það bil % allra núlifandi guðfræðikandidata i Noregi innan við sjötugt. Þeir eru flestir prest- ar, kennarar við æðri skóla, kristniboðar eða starf smenn kristi- legra hreyfinga. Það hefur stundum verið reynt að gera litið úr fræðilegum iðk- unura við M.F., þessum „alþýðu- háskóla", en reynslan hefur sýnt, að þaðan koma nemendur, sem eru fullkomlega sambærilegir við aðra guðfræðinga. 19 af 30 núlif- andi guðfræðidoktorum frá Osló- arháskóla hafa hlotið menntun sína við M.F., og halda tveir þeirra nú fyrirlestra við guðfræðideild háskólans. Auk þess hafa 4 nem- endur frá M.F. doktorsgráðu frá heimspekideildinni, og sá fimmti mun hljóta hana innan skamms. M.T. veitir efnilegum kandidötum góða styrki til framhaldsnáms. Skólinn hefur 8 fasta kennara. Þeir hafa allir varið doktorsritgerð i guðf ræði, og einn þeirra er einn- ig doktor í heimspeki og hefur auk þess hlotið verðlaunapening frá konungi fyrir vísindaafrek. Síðasta námsárið stunda stú- dentarnir nám í kennimannlegri guðfræði, og er það sérstök deild. Fyrrverandi forstöðumenn henn- ar haf a báðir síðar orðið biskupar. Annar þeirra er Smemo, núver- andi Oslóarbiskup, sem er æðsti leiðtogi norsku kirkjunnar. I ár eru um 155 stúdentar við skólann, þar af innrituðust um 35 í haust. Námið við skólann er ókeypis, og auk þess búa 12 stúdentar í húsnæði skólans, sér að kostnaðar- lausu. Skólinn er algjörlega rekinn fyr- ir gjafafé frá söfnuðum og ein- staklingum. Hann hefur aldrei hlotið eyri úr ríkissjóði eða öðr- um opinberum sjóðum, Samtals hafa gjafirnar numið yfir 8 millj- ónum norskra króna, frá upphafi til þessa dags. Árleg útgjöld eru nú um 600 þúsund norskar krón- ur. Þar af um 70 þúsund í náms- styrki til núverandi og fyrrverandi nemenda skólans. Sambandið við eldri nemendur er mjög gott. Eitt herbergi á skól- anum er ætlað eldri prestum •— aðallega frá afskekktum stöðum. Hver prestur býr þar einn mánuð og fær ferðastyrk báðar leiðir. Á þennan hátt vill M.F. hjálpa prest- um til að leita sér endurnýjunar í guðfræðinni og trúarlífinu. Sambandið við söfnuðina. Nafnið sjálft gefur til kynna eðli skólans. Hann er starfræktur' af söfnuðunum og menntar þjóna fyrir þá, og það eru náin tengsl milli þeirra og skólans.' Uti um landið eru hópar innan safnað- anna, sem bera sérstaka umhyggju fyrir M.F. Þetta gera þeir bæði með fjársöfnun og ekki síður með bæn fyrir starfi skólans, kennur- 'um og nemendum. Á hverju misseri fara bæði nem- endur og kennarar í heimsókn til einhvers safnaðar. Eg á sjálfur góðar minningar f rá slíkum heim- sóknum og veit, að þær eru til að glæða skilning og efla vináttu á báða bóga. Gestunum var jafn- að niður á heimilin til gistingar. Við guðsþjónusturnar prédikuðu prófessorarnir og stúdentarnir sungu. Síðar um daginn var safn- azt saman í samkomuhúsinu og snætt. Safnaðarstarfið var kynnt fyrir okkur gestunum og skólinn fyrir heimamönnum. Um kvöldið var lokasamkoma, þar sem bæði gestir og heimamenn töluðu. Slíkar heimsóknir styrkja mjög sambandið milli skólans og safn-. aðanna. Lífið á M.F. Þegar sótt er um inngöngu i skólann, verður stúdentinn að gera stuttlega grein fyrir þvi, hvers vegna hann vill leggja stund á guð- fræði. Síðar á hann svo einka- samtal við forstöðumann skólans. Stúdentinn kemst brátt að því, að hér mætir hann vinum, sem eru fúsir til að hjálpa honum í hans heilaga og hættulega námi. Guð- fræðin er hættulegt nám, vegna þess að svo náin umgengni við Guðs orð getur hæglega valdið sljóleika og doða. FRAMHALD Á 3. SÍÐU

x

Bjarmi

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Bjarmi
https://timarit.is/publication/379

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.