Bjarmi - 01.03.1978, Blaðsíða 15
„ Og aðþví erum vér vottar
Framh. af bls. 3.
fólgið, að Guð hefði vakið Jesúm upp frá dauðum og gert
hann að hinum dýrlega Drottni, sem allt vald er gefið á
himni og jörðu. ,,Með óbrigðanlegri vissu viti þá allt Israels
hús, að Guð hefur gjört hann bæði að Drottni og að Kristi,
þennan Jesúm, sem þér krossfestuð" (Post. 2,36).
Krossinn og dauðinn höfðu um stund virzt tákna sigur
hins illa í heiminum, úrslitaósigur hins guðlega kærleika.
En með upprisu Jesú og upphafningu í dýrð hafði Guð
staðfest, að Jesús væri sá, sem hann sagðist vera, stað-
fest kenningu hans, líf og heilagleika. Dauðinn, síðasti óvin-
urinn, er með upprisu Jesú uppsvelgdur í sigur (1. Kor.
15,54).
Upprisa Jesú er snertipunkturinn, þar sem hið himneska
og jarðneska, sagan og eilífðin, mætast og sameinast. Hún
grundvallar þann dýrlega möguleika að sameina allt i
Kristi, bæði það, sem er á himnum, og það, sem er á jörð-
unni (Ef. 1,10). Upprisan opnar þannig nýjan heim sigurs
og vonar, þar sem tHgangi Guðs er náð og hann verður
allt í öllu.
Það er þetta, sem orsakar þá skyndilega breyttu mynd
at postulunum, sem Postulasagan og Pálsbréfin geyma.
Eftir upprisuna eru þeir gjörsamlega nýir menn, þannig að
við þekkjum þá varla aftur. 1 stað hryggðar er komin gleði,
styrkur í stað veikleika, hugrekki i stað hugleysis, traust
i stað örvæntingar, traust og áræði i stað úrræðaleysis.
Þeir eru fylltir nýjum krafti, óviðráðanlegir og ósigrandi.
Mennirnir, sem skilningslitlir og huglausir höfðu brugðizt
herra sinum og jafnvel afneitað honum á mestu hörmungar-
stundu lifs hans, þeir, sem höfðu leitað i felur af ótta við
Gyðinga, standa nú uppi i hárinu á andlegum og verald-
legum leiðtogum landsins og fullyrða, að hann, sem þeir
krossfestu, hafi verið Messías og að í honum einum sé
hjálpræði (Post. 4,12). Kraftur upprisunnar er að verki.
Þeir vissu, að hinn krossfesti Jesús væri nú hinn upprisni
og dýrlegi Drottinn, ,,og að þvi erum vér vottar" (Post.
3,15).
Þessi sannfæring byggði á reynslu og vitnisburði þeirra,
er mættu honum upprisnum. Þeir vissu, að hann lifir með
Guði, óendanlegur og dýrlegur. Þeir fengu að reyna þetta
líf hans og nærveru persónulega þegar skömmu eftir dauða
hans, og enn þann dag í dag getum við fengið að reyna
hið sama. Okkur er líka gefin gjöf upprisunnar. Kristur
er dáinn og upprisinn fyrir okkur, hann tók á sig synda-
byrði okkar og bar hana upp á krossinn. Hann hefur frið-
þægt fyrir syndir okkar, tekiö á sig hegningu og glötun,
sem við höfðum til unnið. Og með því að reisa Krist upp
frá dauðum hefur Guð lýst yfir því, að skuldabréfið, sem
vitnaði gegn okkur, sé nú afmáð og neglt á krossinn (Kól.
2,14).
Við eigum hlutdeild i hjálpræðinu í Kristi, og okkur er
ætlaður sami kraftur og birtist í lifi frumsafnaðarins. Við
fáum á sama hátt að reyna nærveru og kraft Krists per-
sónulega í lifi okkar, ef hann aðeins fær að komast að.
Þeir, sem það fá að reyna, verða aldrei samir menn frem-
ur en Pétur eða Páll. Lif okkar og starf á að fyllast þeim
krafti og eldmóð, sem einkenndi fyrstu upprisuvottana.
Vitnisburður þeirra um nærveru og starf hins upprisna
frelsara birtist i orðum þeirra og verkum, og allir kristnir
menn, sem hafa fengið náð til að mæta honum, hljóta að
taka undir þennan vitnisburð. Við höfum fengið að reyna,
að Kristur lifir og að hann vill gefa hrjáðu mannkyni lif
í sér.
Þvi tökum við með djörfung undir orð Péturs: HANN
LIFIR, AÐ ÞVl ERUM VÉR VOTTARU
Gísli Jónasson.
Ef þér hafið mikla kyrrstöðu
Paradís þreyttra fóta
Nýkomið í öllum stærðum, í hvítum lit.
Verð frá kr. 6.040.
Einnig rauðir nr. 36-40.
Pðstsendum samdægurs
DOMUS MEDICA, Egilsgötu 3
Pósthólf 5050 — Sími 18519
15