Bjarmi - 01.05.1985, Qupperneq 10
Páll postuli hefur lagt áherslu á þá
skyldu barna að heiðra foreldra sína
bætir hann við „til þess að þér vegni vel
og þú verðir langlífur á jörðinni“ (Ef.6).
Með öðrum orðum: Að hlýðnast for-
eldrum þínum verður þér til hjálpar
síðar í lífinu. Það er mikilvægur þáttur
í því að ná andlegum þroska.
Og við getum ef til víll sagt: Þú getur
alið foreldra þína upp. Þú getur stuðlað
að því að þeir verði eins og þú óskar
þér. Þú hefur ef til vill heyrt um mýsnar
tvær sem vísindamaður hafði á rann-
sóknarstofunni hjá sér. Dag nokkurn
sagði önnur þeirra við hina: „Ég held að
við séum að ná valdi yfir vísindamannin-
um. í hvert sinn sem ég ýti á hnappinn
hérna gefur hann okkur mat.“
Við skulum ræða örlítið um að tala
saman.
„Mamma mín treystir mér ekki,“
segir þú.
„Nú, hún les í blöðunum og hugsar
um alla þá unglinga sem „sniffa" eða
nota vímuefni, þá sem stela bílum, þá
sem verða áfengi að bráð á unga aldri
og þá sem gera svo margt vitlaust.“
„Veit mamma þín nokkuð um þig og
það sem þú gerir?“
„Ekki mjög mikið.“
„Hvers vegna?“
„Ég hef eiginlega ekki sagt henni svo
mikið frá því.“
Hvernig geturðu ætlast til þess að
foreldrar þínir treysti þér þegar þú bara
grettir þig og segir að þeim komi þín
mál ekkert við þegar þeir eru að spyrja
þig um eitthvað?
Foreldrum mínum þykir
ekki vænt um mig
Á hverjum morgni þegar ég er í baði
tala ég við sjálfan mig. Ég tala um líf
mitt og daginn sem er að byrja: „Nú
verð ég að fara í vinnuna einu sinni enn,
sömu vinnu og undanfarin 17 ár. Þetta
er ævilangur dómur og það virðist ekki
vera nein leið út. Börnin borða meira,
húsaleigan hækkar, því meira sem ég
vinn mér inn þeim mun meira hækkar
allt. Hjálp!“
Þúsundir annarra feðra hugsa á sama
veg. Pabbi þinn er ef til vill einn af þeim.
Hann berst við að fá endana til að ná
saman og að þið fáið það sem þið
þarfnist.
Hvers vegna gerir hann það? Hann
hefði bara getað stungið af frá öllu
saman. Hann hefði getað lifað án allra
skuldbindinga. í staðinn neitar hann sér
um ótal hluti.
Hvers vegna gerir hann þetta? Eina
skynsamlega skýringin hlýtur að vera sú
að honum þyki vænt um þig og vilji
annast um þig. Það getur vel verið að
hann sé ekki sérstaklega snjall að gefa
það til kynna að honum þyki vænt um
þig, en honum þykir það samt. Hann
hefur einungis góð áform.
Og hvað með mömmu þína? Það er
eins með hana. Opnaðu eldhússkápinn
og horfðu á alla diskana og bollana.
Hve marga þarf fyrir eina máltíð? Hve
marga yfir allan daginn? Hvað eru svo
margir dagar í árinu? Hvað hefur þú
lifað í mörg ár? Hver er það sem þvær
upp? Það er ekki alltaf skemmtilegt. Og
hver þvær fötin þín? Þarf ég að segja
meira?
Foreldrar minir eru
hræsnarar
Fyrir nokkru sat ég við hliðina á
unglingsstrák í gallabuxum í flugvél.
Við tókum tal saman og það leið ekki á
löngu uns ég skildi að hann var bitur út í
föður sinn. Hann hélt því fram að
foreldrar hans væru hræsnarar.
Hann sagði að foreldrarnir hugsuðu
um það eitt að vinna sér inn peninga.
Þeir væru fullkomlega á valdi þess eins
að afla sér meiri efnislegra gæða.
„Hvers vegna flýgur þú með þessari
flugvél,“ spurði ég hann þegar hann
hafði lokið sér af.
Hann sagði að þetta væri þægilegasti
ferðamátinn. Auk þess komst ég að því
að faðir hans hafði borgað farmiðann.
Vertu svo vænn að tala ekki um
foreldra þína sem efnishyggjufólk á
meðan þú ert það sjálfur.
Notar þú foreldra þína á þennan hátt,
sem mottur sem þú getur þurrkað þér á
fótunum á eða þræla sem skaffa þér fæði
og klæði? Ég reikna alltaf með því að
þeir sem ég hitti séu einmana og í 95%
tilfella hef ég rétt fyrir mér. Ég geri ráð
fyrir að allir séu óöruggir með sig eða
finnist sér ógnað á einhvern hátt, svo ég
reyni að gera ekkert sem valdi þeim ótta
eða angist. Hvernig færi ef þú hugsaðir
þannig til foreldra þinna?
Hvers vegna segirðu ekki eitthvað
vingjarnlegt við þá annað slagið? Hvers
vegna kyssirðu mömmu þína ekki ein-
hvern daginn þegar hún gerir eitthvað
fyrir heimilið t.d. þvær upp. Þú munt
komast að raun um að það mun gleðja
hana meir en þig grunar.
Það verður að leggja eitthvað á sig til
að heimilislífið gangi vel. Það gildir
ekkert síður um kristin heimili.
Minnstu þess að fjölskyldan þín á að
vera eftirmynd af fjölskyldu Guðs. Þú
veist væntanlega hversu mikilvægt það
er að leggja rækt við samfélag þitt við
Guð ef þú átt að vaxta og þroskast sem
kristinn maður. Hvers vegna leggurðu
ekki líka rækt við samband þitt við
foreldra þína?
Það er erfitt. Það krefst þroska. En
það tekst. Og það sem er best af öllu:
Þú þarft ekki að yfirgefa matborðið eins
oft í reiði og skella hurðum eins oft og
áður.
10