Bjarmi

Árgangur

Bjarmi - 01.05.1985, Blaðsíða 19

Bjarmi - 01.05.1985, Blaðsíða 19
hinn rétta grundvöll og hina réttu kenn- mgu. Guði sé lof fyrir, að sú barátta bar árangur íslenzku kirkjunni til heilla og blessunar; þar áttu félögin samstöðu með öllum þeim, sem vildu standa trúan vörð um hina biblíulegu kenningu. Þar var mikið los í málefnum kirkj- Unnar. íslendingar höfðu fengið trú- frelsi með stjórnarskránni 1874; nýjar kirkjudeildir námu land um og eftir 1890 og vakti starf ýmissa þeirra mikla athygH. Nokkrum árum áður hafði haf- 'zt fríkirkjuhreyfing á nokkrum stöðum a landinu og mikils óróa gætti einnig í þeim efnum í Reykjavík. Auk þessa fór IV Mér þótti vel viðeigandi að rifja þetta upp hér á hátíðastund í starfi KFUM & K á Akureyri, þegar nýtt félagshús er tekið í notkun; það er biblíulegt að líta urn öxl og minnast leiðtoganna eins og segir í Hebr. 13:7: „Verið minnugir leiðtoga yðar, sem Guðs orð hafa til yðar talað. Virðið fyrir yður, hvernig ævi Peirra lauk, og líkið eftir trú þeirra." Þess vegna hef ég kosið að rifja þetta UPP í dag. Við trúum því, að Guð hafi kallað síra Friðrik til starfa meðal 'slenzkrar æsku; við trúum því, að þetta starf eigi enn fullan tilverurétt, svo lengi sem Guð getur notað það til blessunar Pjóð og kirkju; við trúum því, að Guð hafi kallað okkur til starfa. Gætum þess að hafa trú og starf frumleiðtoganna ætíð í minni, gætum Þess að standa rótfestir eins og þeir á grundvelli Guðs orðs; megi allt starf hér 'nnan dyra vera undir þessu merki: að hoða Jesúm Krist. Stjórn Landssambands KFUM & K tannst vel viðeigandi að heiðra félögin hér á Akureyri með því að gefa hingað 10 eintök af nýrri útgáfu Nýja testa- uientisins, sem stöðugt verði geymd hér 1 húsinu og tiltæk, þegar hér fer fram fræðsla í orði Guðs. Megi enn gilda um starfið hér orð Jóns biskups Helgasonar, að „hinir fögru ávextir af óþreytandi starfi" verði „meðal hins gleðilegasta og v°narríkasta starfs innan íslenzku kirkj- unnar." Blessun Guðs vaki yfir öllu starfi, Sem hér verður unnið; megi það allt miða að því að leiða menn, karla og konur, og ekki sízt uppvaxandi æskulýð tu staðfastrar trúar á frelsarann, Drott- ln Jesúm Krist. Hjartanlegar hamingjuóskir með daginn. SÍK — Vorátak — 1985 Kæru lesendur! Reikningar Sambands ísl. kristniboðsfélaga fyrir árið 1984 liggja nú fyrir. Þar kemur fram, að gjöld umfram tekjur það ár hafa orðið 760 þús. kr. Er þetta fjórða árið í röð, sem kemur út með rekstrarhalla og er nú svo komið að allir varasjóðir eru upp urnir. Fjárhagsáætlun fyrir þetta ár gerir ráð fyrir gjöldum að upphæð 4,5 milljónir króna, en gjafir á sl. ári voru 3,0 milljónir kr. Til þess að geta á þessu ári haldið uppi eðlilegu starfi og staðið við þær skuldbindingar, sem SÍK hefur tekið á sig, þurfa tekjur því að aukast verulega. Þar sem tekjur SÍK eru eingöngu gjafir frá kristniboðsvinum, vill stjórn SÍK nú hvetja til vorátaks og sendir í því sambandi gíróseðil með þessu eintaki „Bjarma". Hvetur stjórnin alla, sem unna starfinu í Eþíópíu og Kenýu að bregðast nú fljótt við og senda inn gíróseðilinn með vorgjöf sinni til kristniboðsins. — Verum minnug orða postulans í 2. Kor. 9.: „En þetta segi ég; Sá sem sáir sparlega mun sparlega uppskera, og sá sem sáir ríflega mun og ríflega uppskera. Sérhver gefi eins og hann hefur ásett sér í hjarta sínu, ekki með ólund eða með nauðung, því að Guð elskar glaðan gjafara. Guð er þess megnugur, að veita yður allar góðar gjafir ríkulega, til þess að þér í öllu og ávallt hafið allt sem þér þarfnist og getið sjálfir veitt ríkulega til sérhvers góðs verks. Eins og ritað er: Hann miðlaði mildilega, gafhinum snauðu, réttlœti hans varir að eilífu.....Pegar menn sjá, hvers eðlis þessi þjónusta er, munu þeir lofa Guð fyrir að þér haldið játningu yðar við fagnaðarerindi Kristsog gefið með yður afórlœti, bæði þeim og öllum. Óg þeir munu biðja fyrir yður og þrá yður vegna yfirgnæfanlegrar náðar Guðs við yður. Pökk sé Guði fyrir sína óumræðilegu gjöf." Stjórn SÍK Norrænt stúdentamót á íslandi Dagana 5. til 11. ágúst halda norrænu kristilegu stúdentafélögin árlegt mót sitt í Reykjavík. Hefur KSH haft veg og vanda af skipulagningu mótsins ásamt systurfélögunum. Efni mótsins er „Kristur og vandi okkar" og verður fjallað um ýnisan þann vanda er steðjar :ið þjóðfélögum og einstaklingum og vanda trúarlífsins. Mótið verður haldið í íþróttahúsi Hagaskóla og verður erlendum gestum útveguð gisting í nálægum skólum. Fyrsta samkoman verður kl. 17.15 mánudaginn 5. ágúst, sem er frídagur verslunarmanna. Síðan verða kvöldsamkomur alla vikuna og lýkur mótinu á sunnudag kl. 13.30 með guðsþjónustu. Biblíulestrar eru frá þriðjudegi til laugardags kl. 9.45 nema á fimmtudeg- inum, þá verður haldið í ferð austur fyrir Fjall. Umræðuhópar starfa síðan tvo eftirmiðdaga, föstudag og laugardag kl. 16.30. Geta þátttakendur þar valið um fjögur aðalefni, hlýtt á inngangserindi um þau og tekið þátt í umræðum. Ástæða er til að hvetja lesendur Bjarma sem áhuga hafa á mótinu að fylgjast með undirbúningi þess og sækja það. Til að auðvelda skipulagningu er gert ráð fyrir að íslendingar tilkynni þátttöku sína til KSH á Freyjugötu 27 fyrir 10. júní. Þátttökugjald er kr. 900 og geta menn fengið keuptar einstakar máltíðir meðan á mótinu stendur og þurfi íslendingar á gistingu að halda í Kcykjavik mótsdagana verður reynt að útvega hana. 19

x

Bjarmi

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Bjarmi
https://timarit.is/publication/379

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.