Bjarmi - 01.05.1985, Blaðsíða 22
Vöxtur
þrátt fyrir erfiðleika
Ársskýrsla frá starfinu í Konsó 1984
„Betra er að leita hælis hjá Drottni
en að treysta mönnum" (Sálm. 118,8).
Síðastliðið ár hefur á margan hátt
verið erfitt starfsár fyrir söfnuðinn í
Konsó.
í byrjun ársins komu hingað þrír
fulltrúar stjórnmálaráðsins til að
undirbúa stofnun nýs verkamanna-
flokks Eþíópíu. Pessir menn tóku hér
öll völd og byrjuðu strax að fetta
fingur út í starfsemi kirkjunnar. Með
munnlegum aðvörunum var ferða-
frelsi prestanna og predikaranna tak-
markað.
í lok ársins sendu svo yfirvöldin
bréf til allra bændafélaga í Konsó, þar
sem þeim var gert skylt að handtaka
alla þá sem komu út í þorpin til að
hafa fundi og samkomur. í nóvember
voru svo tveir af öldungum í Kolme
handteknir og kirkjan þar gerð að
korngeymslu. (Kornið sem þar er
geymt er gjöf frá Hjálparstofnun
kirkjunnar í Noregi).
Hungursneyð herjar einnig hér í
Konsó, sem og á mörgum öðrum
stöðum í landinu. Haustrigningin
brást að mestu og uppskeran varð lítil
sem engin. Margir hafa því liðið
alvarlegan skort síðustu mánuði.
Hjálparstarfið er nú komið í gang en
það tók langan tíma. Kirkjan hefur
verið beðin að koma á fót fimm
matarstöðvum fyrir þau börn sem
verst eru á sig komin. Það mun verða
gert fljótlega ef nægur matur fæst.
Þrátt fyrir þessa erfiðleika hefur
safnaðarstarfið víðast hvar gengið
vel. Reglulegar sunnudagssamkomur
eru í flestum kirkjunum. Kvenna- og
unglingastarf gengur einnig nokkuð
vel og skírnarnámskeið eru haldin.
Erfiðleikar sl. árs hafa þjappað þeim
kristnu saman og safnaðaröldungarnir
hafa sýnt mikla ábyrgð og dugnað.
Alls hafa 642 manns bæst í söfnuðinn
þetta árið, þar af 215 fullorðnir og 427
börn.
Starfsemin hér á kristniboðsstöð-
inni er í föstum skorðum og gengur
vel. Sunnudagssamkomurnar eru
nokkuð vel sóttar, og einu sinni í
mánuði er kirkjan þétt setin, en þá
kemur fólk hingað frá nálægum kirkj-
um á mánaðarsamkomur.
Á þriðjudagskvöldum eru eins og
fyrri ár æskulýðssamkomur. Þær eru
vel sóttar af heimavistarnemendum
og öðrum.
í haust byrjuðum við kristniboðarn-
ir hér með Biblíulestrarhóp fyrir
heimavistarstúlkurnar á mánudags-
kvöldum. Þær hafa komið trúfastlega
og hefur það verið mikil uppörvun að
sjá áhuga þeirra og löngun eftir að
fræðast í Guðs orði.
Barnaskólinn hefur nú 230 nem-
endur og gengur skólastarfið vel.
Adane Asfaw er ennþá skólastjóri.
Á sjúkraskýlinu hefur verið nóg að
gera. Yfir 36 þús. sjúklingar komu
þangað á sl. ári. Auk þess hafa um 400
börn komið í viku hverri og fengið
hjálp vegna hungursneyðarinnar.
Safhadarstarflð ■ Konsó gekk víðast
hvar vel á árinu 1984, þrátt fyrir
ýmsa erflðleika.
í Voitó hefur starfinu verið haldið
áfram þrátt fyrir að fólkið þar hefur
átt í miklum erfiðleikum vegna þurrk-
anna. Það eru mikil gleðitíðindi að nú
virðist sem Guðs orð sé farið að spíra
í hjörtum Tsemaifólksins. Fyrsta
skírnarnámskeiðið er byrjað með
þremur nemendum og fleiri hafa lýst
því yfir að þeir vilji fræðast meira í
Guðs orði.
Tölur 1984
Kirkjan
Söfnuðir 68
Samkomustaðir 30
Prestar 4
Predikarar 6
Nýir safnaðarmenn 642 i
þar af fullorðnir 215 *
og börn 427
Fermdir á árinu 56
Safnaðarmenn 11235
Sunnudagaskólar 50
Kvenfélög 50
Æskulýðsfélög 56
Gjafir til starfsins birr 6.015
þ.e. í isl. kr. 120.000
Barnaskólinn
Nemendur 230
Kennarar 7
Heimavistarnemendur 75
Sjúkraskýlið
Sjúklingar 36412
Legusjúklingar 893
Fæðingar 97
Kæru kristniboðsvinir. Guð hefur
gefið okkur enn eitt starfsár hér í
Konsó og þrátt fyrir erfiðleika hefur
starfið borið árangur. Fyrir það skul-
um við þakka Drottni. Hann er góður
sem hefur borið okkur dag eftir dag á
náðarörmum sínum. Þjónum honum
með gleði á nýja árinu.
Fyrir hönd kristniboðanna í Konsó
Jónas Þórisson
22