Bjarmi

Árgangur

Bjarmi - 01.05.1985, Blaðsíða 24

Bjarmi - 01.05.1985, Blaðsíða 24
Jónas Gíslason, dósent: Norræn kristileg stúdentamót á íslandi i Eftirvæntingin lá í loftinu; við vorum óþreyjufull; skipskoman hafði dregizt um nokkra klukkutíma. Norska skipið „Brand V" hafði hreppt versta veður á leið sinni frá Bergen til Reykjavíkur; um borð voru á þriðja hundrað norrænir stúdentar og stúdentaleiðtogar, sem voru á leið til þátttöku í fyrsta norræna stúdentamótinu hér álandi, er haldið skyldi sumarið 1950. Ég átti engan bíl; þess vegna hafði ég fengið húsvörðinn í KFUM-húsinu, hann Jóhannes Sigurðsson, til þess að skreppa með mig vestur á Seltjarnarnes til að svipast um eftir skipakomu utan af Faxaflóa. Það var komið undir kvöld, er' skip birtist við hafsbrún; skyldi þetta vera Brandur? Drjúgur tími leið; skipið færðist nær; við sann- færðumst brátt um, að þetta væri rétta skipið. Hjartað sló talsvert örar, er við stigum út í hafnsögubátinn og héldum út á ytri höfnina; við fengum að skreppa um borð til þess að bjóða hópinn velkominn. Þar urðu fagnaðarfundir; fjöldi stúdenta þyrptist út að börð- stokknum; nokkur kunnugleg andlit voru í hópnum. Sumir voru dálítið fölir í framan; sjóveikin hafði sýnilega herjað á marga; samt leyndi ánægjusvipurinn sér hvergi; gott var að vera kominn yfir hafið, heilu og höldnu. Ævintýrið var hafið. II Þarna var gamall draumur að rætast; ætli fyrstu hugmyndir um norrænt kristi- legt stúdentamót á íslandi hafi ekki fæðzt tveimur áratugum fyrr? Ungir íslenzkir stúdentar við nám í Noregi höfðu kynnzt starfi Norska kristilega stúdentafélagsins á biblíuleg- um grundvelli undir forystu prófessors Ole Hallesby; þá vaknaði löngunin til þess, að slíkt starf mætti hefjast hérlend- is. í þessum hópi voru Valgeir Skagfjörð, Magnús Runólfsson og Jó- 24 hann Hannesson. Ekkert varð þó úr slíku mótshaldi um sinn; hins vegar leiddu þessar bollaleggingar til þess, að hópur norskra stúdenta undir forystu Hallesby lögðu leið sína til fslands haustið 1936; Kristilegt stúdentafélag hafði verið stofnað þá um sumarið. Þessi norska heimsókn vakti geysilega athygli á íslandi; blaðaskrif urðu og deilur milli manna; sýndist mönnum hverjum sitt um ágæti heimsóknarinnar fyrir Island. Og varla hefur komumönn- um litizt of vel á ástand íslenzkrar kristni um þær mundir. Daginn eftir heimkomuna til Bergen sagði Hallesby frá heimsókninni á fundi í Kristilega stúdentafélaginu; komst hann m.a. þannig að orði, að ísland mundi brátt afkristnast, ef þar kæmi ekki trúarleg vakning; þessi ummæli birtust í dagblaði daginn eftir. Þegar þau bárust til íslands, ollu þau enn fjaðrafoki og blaðaskrifum. III Eftir þessa heimsókn varð sambandið við Noreg nánara en áður; heimsstyrj- öldin síðari olli þó sambandsslitum. Eftir stríðið var sambandið tekið upp á ný; íslenzkir stúdentar urðu þátttak- endur í norrænum stúdentamótum og norskir stúdentaleiðtogar heimsóttu ísland. Seinni hluta fimmta áratugs aldarinnar var blómaskeið í starfi Kristi- legs stúdentafélags; auk heimsókna frá Noregi, komu hingað fulltrúar kristilegu stúdentahreyfingarinnar á Bretlands- eyjum. Á þessum árum var stofnuð Alheimshreyfing kristilegra stúdenta- hreyfinga á biblíulegum grundvelli; ís- land gjörðist þó ekki aðili að þeim samtökum um sinn. Og á ný vaknaði gamli draumurinn um norrænt kristilegt stúdentamót á íslandi; sá draumur rættist sumarið 1950, eins og áður sagði. Það mót hafði mikil áhrif; prófessor Hallesby var einn af aðalræðumönnum þess. Áreiðanlega gleymist seint sunnudagur mótsins. Ákveðið var að halda útisamkomu á Arnarhóli, ef veður leyfði; um morgun- inn var rigning. Prófessor Hallesby prédikaði við guðsþjónustu í Dómkirkj- unni; úti var úrhellisrigning. í lok pré- dikunarinnar bað hann Guð um að gefa gott veður, meðan á útisamkomunni stæði; í lok bænarinnar þakkaði hann Guði fyrir bænheyrsluna. Ég man, hve mér brá; úti var úrhellisrigning og litlar líkur á uppstyttu; nagandi efi greip mig: Ef hann styttir ekki upp? Og þetta var út varpsprédikun! Ég var víst ekki einn með hjartslátt, er gengið var frá messu. Hann hélt áfram að rigna eftir mess- una og fram undir það, að útisamkoman skyldi hefjast; þá stytti upp. Og þegar samkoman hófst, var þurrt og bráðlega fór sólin að skína; það fór að rigna aftur Frá norræna stúdentamótinu í Reykjavík 1950.

x

Bjarmi

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Bjarmi
https://timarit.is/publication/379

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.