Bjarmi - 01.12.1985, Blaðsíða 11

Slegið á þráðinn til Sigurðar Pálssonar:
— Hér fær fólk
markvissa fræðslu
*
V
Fyrsta kennsluönnin í Evangelisk-
lútherska biblíuskólanum í Reykjavík
er nú liðin og innritun á vorönn
stendur yfir. Það hefur lengi verið
draumur margra að hér væri unnt að
koma á fót skipulegri fræðslu um
Biblíuna, kristna trú og kristilegt
æskulýðsstarf. Sá draumur hefur nú
ræst með stofnun og starfsemi Biblíu-
skólans, þótt enn starfi hann fyrst og
fremst í formi námskeiða. Það er von
aðstandenda skólans að sem flestir
sjái sér fært að sækja einhver þeirra
námskeiða sem í boði eru, enda er
reynt að kenna utan hefðbundins
skóla- og vinnutíma, þ.e. eftir hádegi
á laugardögum.
Til að forvitnast örlítið um starf-
semina þessa fyrstu starfsönn hafði
Bjarmi samband við einn af nemend-
um skólans og innti hann eftir því
hvað hefði verið kennt og hvernig
honum hefði líkað. Fyrir svörum varð
Sigurður Pálsson, en hann starfar sem
smiður hjá Völundi.
— Hvaða námskeið hafa verið nú á
haustönninni?
— Það hafa verið þrjú námskeið. í
fyrsta lagi hefur Guðni Gunnarsson
fjallað um Gamla testamentið. Þar
hefur verið um yfirlit að ræða, bæði
um rit þess og um sögu ísraelsþjóðar-
innar. í öðru lagi hefur Þórarinn
Björnsson verið með námskeið í krist-
inni trúfræði. Fjallað hefur verið um
helstu atriði kristinnar trúar og postul-
lega trúarjátningin lögð til grundvall-
ar. í þriðja lagi hefur verið fjallað urn
þætti í sögu kristilegs barna- og ungl-
ingastarfs á íslandi. Þar hefur víða
verið komið við, fjallað um upphaf og
sögu KFUM og KFUK, vikið að starfi
Sambands ísl. kristniboðsfélaga og
Kristilegu skólahreyfingarinnar og
Æskulýðsstarf þjóðkirkjunnar sótt
heim. Guðni hefur haft yfirumsjón
með námskeiðinu en nokkrir gestir
hafa komið og séð um einstaka tíma.
Þetta hefur verið mjög skemmtilegt
og lærdómsríkt námskeið, veitt inn-
sýn í sögu og þróun starfsins og aukið
skilning á ýmsum þáttum þess nú í
dag.
— Hvernig hefur þér líkað að sækja
þessi námskeið?
— Mér hefur líkað það mjög vel.
Einstakir tímar eru að sjálfsögðu
misskemmtilegir, en í heildina hefur
þetta verið bæði skemmtilegt og
gagnlegt. Ég hef haft sérstaklega
gaman að námskeiðinu um sögu
kristilega barna- og unglingastarfsins
þar sem það hefur aukið skilning
minn á starfi félaganna okkar nú í
dag. Ég hefði gjarna viljað lesa meira
í tengslum við námið og fara dýpra í
ýmis atriði, en til þess hefur vantað
tíma og e.t.v. þjálfun - það er orðið
nokkuð síðan ég var síðast í skóla.
— Nú er haustönnin liðin, hvað
verður um að vera í skólanum á
vorönninni?
— Það munu verða þrjú námskeið
á dagskrá. í fyrsta lagi verður yfirlits-
námskeið um Nýja testamentið. Þá
verður námskeið um kristna siðfræði.
Loks verður hagnýtt námskeið varð-
andi kristilegt barna- og unglinga-
starf. Ég veit ekki enn hve mikið
svigrúm ég hef til að taka þátt í
námskeiðum vorannar en vildi gjarn-
an vera með í a.m.k. einhverjum
þeirra.
— Mælir þú með því að fólk sæki
um þátttöku í skólanum?
— Já, alveg hiklaust. Það er bæði
uppbyggjandi og gagnlegt að fara á
svona námskeið. Hér fær fólk mark-
vissa fræðslu og leiðsögn kennara.
Margir hugsa sér e.t.v. að þeir geti
sjálfir aflað sér þekkingar af bókum,
en reynslan sýnir að oft verður lítið úr
markvissu námi. Þátttaka í Biblíu-
skólanum veitir hins vegar aga og
námið verður skipulegt og markvisst.
Þess vegna vil ég hvetja sem flesta til
að athuga hvort þeir geti ekki notfært
sér einhver þeirra námskeiða sem
skólinn býður upp á.
— Viltu segja eitthvað að lokum?
— Ég er mjög ánægður með að
Biblíuskólanum skuli hafa verið kom-
ið á fót og vona að starfsemi hans
haldi áfram og helst að hún fari
vaxandi til eflingar kirkju og kristni í
landinu.
Bjarmi þakkar Sigurði fyrir spjallið
og hvetur lesendur blaðsins til að
huga nú að því hvort ekki séu á
boðstólum námskeið sem tök væru á
að sækja. Skráning á námskeið vor-
annar stendur yfir. Allar nánari upp-
lýsingar má fá á Aðalskrifstofunni,
Amtmannsstíg 2B, sími 13437.
Úr kennslustund í Evangelisk-lútherska bibliuskólanum.
Sigurdur er lcngst til hægri á myndinni.
11