Bjarmi - 01.04.1995, Blaðsíða 12

AÐ UTAN
Múslímaríki:
Kristnum
mönnum
hótab
Þeir sem fylgjast með högum kristinna manna í
Tyrklandi tala suntir um að ekki líði á löngu þar
til kristnir menn hafi yfirgefið heimili sín í
austurhluta landsins - nema breyting verði til
batnaðar. I fjölmiðlum í Tyrklandi
eru Armenar næstum daglega sakaðir
um að starfa með andstöðuhreyfingu
Kúrda. Akærurnar hafa borið til-
ætlaðan árangur. Margir Armenar
óttast nú árásir tyrkneskra nágranna
sinna. Þeir þora ekki að láta börn sín
leika sér á götunum og konurnar eru
hræddar að fara út að versla. Arm-
enar eru að mestu hættir að sækja
mál fyrir rétti því að þeir fara alltaf
halloka hverjir sem málavextir eru.
Karekín II patríarki í armensku kirkjunni hefur
farið hörðum orðum um þessa áróðursherferð og
segir að verið sé að heyja sálrænt stríð gegn arm-
enska minnihlutanum í landinu. I byrjun þessarar
aldar voru um 1,7 milljónir Armena í Austur-
Tyrklandi. Nú er talan komin niður í 60 þúsund í
öllu landinu.
Kristileg bókaverslun hefur starfað í Sarsink í
Norður-írak. Nú hefur henni verið lokað, aðeins
tæpu ári eftir að hún var sett á stofn. Samtök, sem
m.a. útvega kristnum mönnum í múslímalöndum
trúarlegleg rit, sáu versluninni fyrir bókum. Versl-
unin hafði ekki lengi verið opin þegar múslímskir
öfgamenn tóku að láta ófriðlega og höfðu jafnvel í
hótunum um að láta sverfa til stáls. Kristni leið-
toginn á staðnum sá sitt óvænna og hvarf úr landi en
aðrir starfsmenn ákváðu að fara huldu höfði. Áður
en þeir fóru í felur tókst þeim þó að korna birgðum
af Biblíum, bókum og myndböndum á öruggan stað.
William Ratcliffe heitir maður. Hann hefur verið
yfirmaður Hjálpræðishersins í Pakistan. Nú hefur
Ratcliffe neyðst til að fara frá Pakistan enda hafði
hann fengið skipun um það frá höfuðstöðvum
Hersins í Lundúnum.
Höfuðstöðvunum hafði borist bréf þar sem þess
var krafist að Ratcliff yrði látinn fara frá Pakistan
ella væri hann feigur. Hann hafði sjálfur fengið bréf
svipaðs efnis en ekki sinnt því. Þá bar það við dag
einn að tveir menn voru allt í einu komnir inn í
skrifstofu hans og otuðu vopnum að höfði hans. Þeir
kváðu hann hafa eina viku til að hverfa á brott.
Menn þessir sögðu ekki til sín en talið er víst að þeir
séu hryðjuverkamenn úr samtökum öfgamanna sem
hafa áður sakað nefndan Hjálpræðishermann um að
hafa snúið múslímum til trúar á Jesú Krist.
Kína:
Biblíur, Biblíur, Biblíur!
Ellefu milljón eintaka af Biblíunni hafa selst í
Kína frá árinu 1980. Enn eru rit kommúnistans
Maós söluhæst allra bóka í landinu en Biblían
er næst í röðinni. Átta milljónir af þessum 11
milljónum hafa verið prentaðar í hinni opinberu
prentsmiðju, Vináttuprentsmiðjunni í Nanjing. Hún
hefur jafnvel framleitt Biblíur til útflutnings á þessu
ári. Fimmtán þúsund Biblíur hafa verið sendar til
Indlands, tíu þúsund til Tælands og tíu þúsund til
Rússlands samkvæmt fréttatilkynningu frá prent-
smiðjunni.
Vináttuprentsmiðjan tekur aðeins opinberar tölur í
dæmið. Áður en prentsmiðjan kom til sögunnar er
talið að kirkjan Þrjú sjálf hafi dreift um þremur
milljónum eintaka. Þar með verður útkoman 11
milljónir.
En fleiri hafa átt þar hlut að máli. Samtökin Opnar
dyr hafa dreift um tveimur milljónum eintaka Biblí-
unnar í Kína og önnur kristniboðsfélög hafa ekki
látið sitt eftir liggja. Auk þess hafa leyniprentsmiðjur
löngum haft vélar í gangi við prentun hinnar helgu
bókar. Þegar á allt þetta er litið þykir líklegt að talan
nálgist 15 milljón eintök Biblíunnar.
Fyrir árið 1980 voru fáar Biblíur til í Kína enda
höfðu flestar Biblíur í landinu verið eyðilagðar á
tímum menningarbyltingarinnar 1966 til 1979 en þá
þoldu m.a. kristnir menn hroðalega niðurlægingu,
barsmíðar og dauða. Yfirvöld segja að evangelískir
menn í Kína séu ekki nema sjö þúsundir. Mætti því
ætla samkvæmt þessu að þörfinni á Biblíunni hefði
verið fullnægt.
En í frétt frá Vináttuprentsmiðjunni segir að sala
Biblíunnar á fyrri hluta liðins árs hafi aukist um 60
af hundraði vegna þess að verðið var lækkað. Þetta
bendir til þess að markaðurinn sé alls ekki mettaður.
Samtökin Opnar dyr fullyrða að þeir sem leiti til
kristnu hússafnaðanna séu á sjöunda tug milljóna.
Af þessu verður dregin sú ályktun að enn sé
gífurlegur skortur á Biblíum í Kína þó að þar séu til
11 eða 15 milljón eintaka.
12