Bjarmi - 01.06.1995, Blaðsíða 3

Ábyrgð á umhverfinu
Mörgum finnst vorið stórkostlegur tími. Sólin hækkar á lofti og gróðurinn tekur
við sér. Náttúran tekur brátt að skarta sínu fegursta og við njótum þess
gjarnan fram í fingurgóma. En um leið og við njótum dásemda sköpunar-
verksins sjáum við ýmis merki eyðileggingarinnar. Við mennirnir höfum oft
og tíðum gengið gáleysislega um og spillt umhverfi okkar. Ymiss konar mengun er
orðin alvarlegt vandamál. Sóunin er oft gengdarlaus og sorphaugar hrannast upp. Það
er sama hvort við horfum í eigin barm sem mannkynið í heild eða sem einstaklingar þá
sjáum við fljótt merki ábyrgðarlausrar umgengni okkar við náttúruna og umhverfið.
Umhverfismál og náttúruvernd hafa verið nokkuð til umræðu undanfarið. Haldnar
hafa verið ráðstefnur og fundir bæði hér á landi og á alþjóðavettvangi um þessi mál og
þá vá sem er fyrir dyrum ef ekki verður snúið af þeirri braut sem við höfum verið á.
Vorið og evrópskt náttúruverndarár í ár er tilefni þess að Bjarmi tekur þessi mál örlítið
til umfjöllunar. Tilgangurinn er sá að minna okkur á að við beruni ábyrgð á unihverfi
okkar, náttúrunni sem við lifum í og
erum hluti af. Abyrgð okkar grund-
vallast á því að náttúran er sköpunarverk
Guðs og að hann fól okkur mönnum að
annast um það.
Vissulega segir í sköpunarsögunni að
við eigum að drottna yfir sköpuninni en það eigum við ekki að gera sem ránsmenn
heldur sem ráðsmenn Guðs. I rauninni felst ábyrgð okkar í því að við erum
sköpuð til samfélags við Guð okkar og þá um leið til að vera
samverkamenn hans í því að varðveita og viðhalda sköpuninni og
forða henni frá eyðileggingu og tortímingu. Synd okkar birtist m.a. í
því að við skeytum ekki um þessa ábyrgð okkar og göngum í lið með
eyðileggingaröflunum.
Nú má spyrja sig þeirrar spurningar hvort við sem einstaklingar
getum í rauninni nokkuð gert sem gagn er að. Eru umhverfis-
vandamálin ekki slík að þau virðast nær óleysanleg? Vissulega eru
til stór umhverfisvandamál sem við leysum ekki ein. En mörg eru
þau þó nærtækari en svo að við getum leitt þau hjá okkur og oft eru
þau sprottin af lifnaðarháttum okkar sem einstaklinga. Því má segja
að eðlilegast sé að náttúruverndin byrji heima hjá okkur
hverju og einu. Lifnaðarhættirnir verða hvergi endur-
skoðaðir nema þar.
Við erum hluti af sköpun Guðs. Sérstaða okkar er sú að við
erum sköpuð til að vera samverkamenn skaparans og ráðsmenn
yfir sköpun hans. Það felur í sér mikla ábyrgð sem snertir í
rauninni daglegt líf okkar allt. Þorum við að horfast í augu við
og haga lífsháttum okkar í samræmi við það?
Staldrað
i við

Bicirmi
Kristilegt tímarit
Útgefendur: Kristilega skólahreyfingin,
Landssamband KFLIM og KFUK og
Samband íslenskra kristniboðsfélaga.
Ritsfjóri: Gunnar J. Gunnarsson.
Ritnefnd: Anna Magnúsdóttir, Benedikt
Arnkelsson og Gunnar H. Ingimundarson.
Afgreiðsla: Aðalskrifstofan, Holtavegi 28,
pósthólf 4060,124 Reykjavík,
sími 588 8899, bréfsimi 588 8840.
Árgjald: Kr. 2.500,- innanlands,
kr. 3.000,- til útlanda. Gjalddagi 1. mars.
Verð í lausasölu kr. 500,-
Útlitshönnun og aðstoð við útgáfu:
SALT hf - Tómas Torfason.
Ljósmyndir: Magnús Fjalar
Guðmundsson, o.fl.
Prentun: Borgarprent.
Efni:
Staldrað við:
Ábyrgð á umhverfinu.................... 3
Glsli H. Friðgeirsson:
Af jörðu erég kominn................... 4
Viðtal:
Eftir því sem ég læri meira............ 7
Ragnar Schram:
Hvers vegna biblíuskólar?..............10
F - siðan:
Sumarið er tími vaxtar og uppskeru....16
Kristniboð:
Kristniboðarnir á nýja staði...........17
Viðtal:
Meinum það sem við syngjum.............18
Að utan:
Útburðinum var bjargað.................21
Ragnar Gunnarsson:
Hvað er Toronto-blessunin?.............22
Viðtal:
Salt hf endurvakið.....................24
Valdís Jónsdóttir:
Stórkostleg bænheyrsla.................25
Þórarinn Björnsson:
Ókeypis brauð..........................26
Á döfinni í sumar:
Almennt mót og Sæludagar...............28
Máifríður Finnbogadóttir:
Með glaðri von.........................30